അഹമ്മദാബാദ്: പാകിസ്ഥാനിൽ അതിക്രമങ്ങൾക്ക് വിധേയരായ 11 ഹിന്ദുക്കൾക്ക് കൂടി ഇന്ത്യ പൗരത്വം നൽകി. അഹമ്മദാബാദ് ജില്ലാ കളക്ടറുടെ വസതിയിൽ പ്രത്യേകം സജ്ജീകരിച്ച ക്യാമ്പിൽ വെച്ചായിരുന്നു പൗരത്വ വിതരണം. ഇന്ത്യൻ പൗരത്വത്തിന് അപേക്ഷിച്ച 9 പാകിസ്ഥാനി ഹിന്ദുക്കൾക്ക് കൂടി പൗരത്വം നൽകാനുള്ള നടപടികളും ആരംഭിച്ചു.
കഴിഞ്ഞ ഏഴ് വർഷമായി രാജ്യത്ത് സ്ഥിരതാമസം തുടരുന്ന വിദേശ ന്യൂനപക്ഷങ്ങൾക്കാണ് പൗരത്വ ഭേദഗതി നിയമപ്രകാരം ഇന്ത്യയിൽ പൗരത്വത്തിന് അപേക്ഷിക്കാവുന്നത്. ഇതിനോടകം 868 വിദേശികൾക്ക് ഇപ്രകാരം പൗരത്വം നൽകിക്കഴിഞ്ഞു. അഫ്ഗാനിസ്ഥാൻ, പാകിസ്ഥാൻ, ബംഗ്ലാദേശ് എന്നീ രാജ്യങ്ങളിൽ മതവിവേചനം അനുഭവിക്കുന്ന ഹിന്ദു, സിഖ്, ജൈന, പാഴ്സി, ബുദ്ധമത വിഭാഗങ്ങൾക്കാണ് ഇപ്രകാരം ഇന്ത്യൻ പൗരത്വം നൽകുന്നത്.
2019ൽ രാജസ്ഥാൻ സർക്കാരും ഇപ്രകാരം പാകിസ്ഥാനിൽ നിന്നുള്ള 34 കുടിയേറ്റ ഹിന്ദുക്കൾക്ക് ഇന്ത്യൻ പൗരത്വം നൽകിയിരുന്നു.
Discussion about this post