ശ്രീനഗർ: സൈനികർക്കൊപ്പം ദീപാവലി ആഘോഷിക്കാൻ പ്രധാനമന്ത്രി നരേന്ദ്ര മോദി ജമ്മു കശ്മീരിലെ നൗഷേരയിലെത്തി. രാജ്യരക്ഷ ചെയ്യുന്നതിനിടെ ജീവൻ ബലിയർപ്പിച്ച സൈനികർക്ക് അദ്ദേഹം അഭിവാദ്യമർപ്പിച്ചു.
‘നമ്മുടെ നാടിനെ കാക്കുന്ന സൈനികർക്കൊപ്പമാണ് ഓരോ ദീപാവലിയും ഞാൻ ആഘോഷിക്കുന്നത്. കോടിക്കണക്കിന് ഭാരതീയരുടെ ആശംസകൾ നമ്മുടെ ധീരസൈനികർക്ക് കൈമാറുന്നതിന് വേണ്ടിയാണ് ഞാൻ വന്നിരിക്കുന്നത്.‘ സൈനികരെ അഭിഅസംബോധന ചെയ്യവെ പ്രധാനമന്ത്രി പറഞ്ഞു.
‘നമ്മുടെ സൈനികർ ഭാരതാംബയുടെ രക്ഷാ കവചമാണ്. നിങ്ങൾ കാരണമാണ് നമ്മുടെ രാജ്യത്തെ എല്ലാ ജനങ്ങളും സുരക്ഷിതരായി ഉറങ്ങുന്നതും ഉത്സവങ്ങൾ ആഘോഷിക്കുന്നതും.‘ അദ്ദേഹം കൂട്ടിച്ചേർത്തു.
2014ൽ പ്രധാനമന്ത്രി പദത്തിലെത്തിയ ശേഷം എല്ലാ വർഷവും സൈനികർക്കൊപ്പമാണ് നരേന്ദ്ര മോദി ദീപാവലി ആഘോഷിക്കുന്നത്. കഴിഞ്ഞ വർഷം രാജസ്ഥാനിൽ ജെയ്സാൽമേറിലെ സൈനികർക്കൊപ്പമായിരുന്നു പ്രധാനമന്ത്രി ദീപാവലി ആഘോഷിച്ചത്.
Discussion about this post