ബംഗലൂരു: അഞ്ച് ബംഗ്ലാദേശി കുടിയേറ്റക്കാർ കർണാടകയിൽ അറസ്റ്റിൽ. കർണ്ണാടകയിലെ കടുഗുഡിയിൽ നിന്നാണ് ഇവർ പിടിയിലായത്. സംഭവത്തിൽ കേസെടുത്ത് അന്വേഷണം ആരംഭിച്ചതായി കർണാടക പൊലീസ് പറഞ്ഞു.
കഴിഞ്ഞ ദിവസം മഹാരാഷ്ട്രയിലെ ഭീവണ്ടിയിൽ നിന്നും ഒൻപത് ബംഗ്ലാദേശി കുടിയേറ്റക്കാർ പിടിയിലായിരുന്നു. പൊലീസ് നടത്തിയ പരിശോധനയിലാണ് ഇവർ പിടിയിലായത്.
കൂടാതെ തുച്ഛമായ ശമ്പളത്തിന് ജോലി ചെയ്യിക്കുന്നതിനും വേശ്യാവൃത്തിക്കും വേണ്ടി ബംഗ്ലാദേശിൽ നിന്നും കടത്തിക്കൊണ്ട് വന്ന പതിനൊന്ന് പേരെ ബുധനാഴ്ച നാഗ്പൂർ പൊലീസ് രക്ഷപ്പെടുത്തിയിരുന്നു. വ്യാജ രേഖകളുമായി സഞ്ചരിച്ച ഇവർ ഹൗറ- അഹമ്മദാബാദ് ട്രെയിനിൽ നിന്നുമാണ് പിടിയിലായത്. സംഭവം മനുഷ്യക്കടത്താണെന്നും അന്വേഷണം തുടരുകയാണെന്നും പൊലീസ് പറഞ്ഞു.
