ബംഗലൂരു: കൊവിഡ് വ്യാപനം രൂക്ഷമാകുന്ന പശ്ചാത്തലത്തിൽ കർണാടകയിൽ നിയന്ത്രണങ്ങൾ കടുപ്പിക്കാൻ മുഖ്യമന്ത്രി ബസവരാജ് ബൊമ്മൈ ഉത്തരവിട്ടു. ബംഗലൂരു എം ജി റോഡ്, ബ്രിഗേഡ് റോഡ് എന്നിവിടങ്ങളിൽ ആൾക്കൂട്ടങ്ങൾക്ക് നിയന്ത്രണം ഏർപ്പെടുത്തി. ഡിസംബർ 30 മുതൽ ജനുവരി 2 വരെ സംസ്ഥാനത്ത് ഡിജെ പാർട്ടികൾക്ക് അനുമതിയില്ല.
പബുകളിലും റെസ്റ്റോറന്റുകളിലും 50 ശതമാനം ആളുകൾക്ക് മാത്രമായിരിക്കും പ്രവേശനം. ഇവിടങ്ങളിലെ തൊഴിലാളികൾ നിർബ്ബന്ധമായും രണ്ട് ഡോസ് വാക്സിൻ സ്വീകരിച്ചിരിക്കണം.
കർണാടകയിൽ കഴിഞ്ഞ ദിവസം 5 ഒമിക്രോൺ കേസുകൾ കൂടി സ്ഥിരീകരിച്ചിരുന്നു. ഇതോടെ സംസ്ഥാനത്തെ ആകെ രോഗബാധിതരുടെ എണ്ണം 19 ആയി. രണ്ട് ഡോസ് വാക്സിൻ സ്വീകരിച്ചവരാണ് എല്ലാ രോഗികളും എന്ന് ആരോഗ്യ വകുപ്പ് അറിയിച്ചു.
