ശ്രീനഗർ: കശ്മീരിലെ അനന്തനാഗിൽ നടന്ന ഏറ്റുമുട്ടലിൽ ഇസ്ലാമിക് സ്റ്റേറ്റ് ഭീകരനെ സൈന്യം വധിച്ചു. ഇസ്ലാമിക് സ്റ്റേറ്റ് ജമ്മു കശ്മീർ ഭീകരൻ ഫഹീം ഭട്ടിനെയാണ് സൈന്യം വധിച്ചത്. അടുത്തയിടെ എ എസ് ഐ മുഹമ്മദ് അഷറഫിനെ കൊലപ്പെടുത്തിയ സംഘത്തിൽ ഉണ്ടായിരുന്ന ഭീകരനാണ് ഫഹീം ഭട്ട്.
#AnantnagEncounterUpdate: Neutralised #terrorist identified as Faheem Bhat of Kadipora #Anantnag. He has recently joined #terror outfit ISJK and was involved in killing of Martyr ASI Mohd Ashraf, who was posted at PS Bijbehara: IGP Kashmir@JmuKmrPolice https://t.co/0zSnVKBufu
— Kashmir Zone Police (@KashmirPolice) December 25, 2021
ഡിസംബർ 22നായിരുന്നു ബിജ്ബെഹാര പൊലീസ് സ്റ്റേഷനിൽ ഡ്യൂട്ടിയിലുണ്ടായിരുന്ന എ എസ് ഐ മുഹമ്മദ് അഷറഫ് ധറിനെ ഭീകരർ വധിച്ചത്. ശനിയാഴ്ച രാത്രിയായിരുന്നു സുരക്ഷാ സേനയും ഭീകരരും തമ്മിൽ ഏറ്റുമുട്ടിയത്.
ശനിയാഴ്ച നടന്ന ഏറ്റുമുട്ടലുകളിൽ രണ്ട് അൻസാർ ഗസ്വാത് ഉൽ ഹിന്ദ് ഭീകരരെയും രണ്ട് ലഷ്കർ ഇ ത്വയിബ ഭീകരരെയും സൈന്യം വധിച്ചിരുന്നു.
