കൊച്ചി: സിൽവർ ലൈൻ പദ്ധതി പിൻവലിക്കണമെന്ന് മുഖ്യമന്ത്രിയോട് ആവശ്യപ്പെട്ട് പരിസ്ഥിതി പ്രവർത്തക മേധ പട്കർ. പദ്ധതിയെക്കുറിച്ച് മുഖ്യമന്ത്രി പിണറായി വിജയന് പുനരാലോചന നടത്തണമെന്ന് അവർ ആവശ്യപ്പെട്ടു. പദ്ധതി പ്രകൃതിയെ എങ്ങനെ ബാധിക്കുമെന്ന് ഒരു പഠനം പോലും ഉണ്ടായിട്ടില്ലെന്നും അവർ ചൂണ്ടിക്കാട്ടി.
സിൽവർ ലൈൻ പദ്ധതിക്കായി കോഴിക്കോട് ജില്ലയിൽ സർവേ നടത്തിയ സ്ഥലങ്ങൾ സന്ദർശിക്കുമെന്നും മേധ പട്കർ അറിയിച്ചു. സിൽവർ ലൈൻ പദ്ധതിക്കെതിരെ സമൂഹത്തിന്റെ വിവിധ കോണുകളിൽ നിന്ന് വിമർശനം ഉയരുകയാണ്. പദ്ധതിക്കെതിരെ നടനും സംവിധായകനുമായ ശ്രീനിവാസനും രംഗത്തെത്തി.
സിൽവർ റെയില് വന്നില്ലെന്ന് കരുതി ആരും ചത്തുപോകില്ലെന്നും ജനങ്ങളുടെ അടിസ്ഥാന സൗകര്യങ്ങൾക്കാണ് സർക്കാർ പ്രഥമ പരിഗണന നൽകേണ്ടതെന്നും ശ്രീനിവാസൻ വിമർശിച്ചു. സില്വര് ലൈനിന്റെ പേരില് വലിയ ബാധ്യത വരുത്തിവയ്ക്കുന്നത് സംസ്ഥാനത്തെ ഭാവി വികസന പ്രവര്ത്തനത്തിനൊന്നും പണം കിട്ടാത്ത അവസ്ഥ ഉണ്ടാക്കുമെന്നും അദ്ദേഹം പറഞ്ഞു.
Discussion about this post