സിനിമാ താരം നീരജ് മാധവിന്റെ റാപ് ഗാനങ്ങള് മലയാളികള്ക്കിടയില് സുപരിചിതമാണ്. സാമൂഹ്യമാധ്യമങ്ങളില് സ്ഥിരമായി തരംഗം സൃഷ്ടിക്കുന്ന താരത്തിന്റെ പുതിയ വണ് മിനിറ്റ് സോംഗ്, ‘കട്ടന്ചായ’ വീഡിയോ ഇന്സ്റ്റയില് ഹിറ്റാവുകയാണിപ്പോള്.
കൊവിഡ് മഹാമാരി പടര്ന്നുപിടിച്ച സാഹചര്യത്തിലായിരുന്നു നീരജ് മാധവ് ആദ്യമായി റാപ് സംഗീതത്തില് തന്റെ കഴിവ് തെളിയിച്ചത്. സംഗതി ഹിറ്റായതോടെ പണി പാളി, ജംഗിള് സ്പീക്ക് തുടങ്ങിയ റാപ്പുകളിലൂടെ കൂടുതല് ശ്രദ്ധേയനായി. കഴിഞ്ഞ ദിവസമാണ് ഇന്സ്റ്റഗ്രാമിലൂടെ കട്ടന്ചായ എന്ന പേരില് പുതിയ വീഡിയോ നടന് പുറത്തുവിട്ടത്. കട്ടന്ചായ കാജാ ബീഡി പുട്ടും കടലയും കൂട്ടിപ്പിടി… എന്ന് തുടങ്ങുന്ന ഗാനം പാട്ടിന്റെ വേറിട്ട ശൈലിയും ഉള്ളടക്കവും കൊണ്ടുതന്നെ ആകര്ഷണീയമായി. കട്ടന്ചായയുടെ രചനയും സംഗീതവുമെല്ലാം നീരജ് തന്നെ. സ്പൂഫ് വീഡിയോകളിലൂടെ സാമൂഹ്യമങ്ങളില് ശ്രദ്ധേയരായ അലമ്പന്സിനൊപ്പമാണ് നീരജ് വീഡിയോയില് പ്രത്യക്ഷപ്പെട്ടിരിക്കുന്നത്. ഇന്സ്റ്റഗ്രാം ഇന്ഫ്ളുവന്സര്മാരായ അമല് താഹ, സെബാസ്റ്റ്യന് എന്നിവരോടൊപ്പുള്ള കട്ടന്ചായ പാട്ട് ഇതിനോടകം തന്നെ വൈറലായി കഴിഞ്ഞു.
ബോളിവുഡ് നടന് ആയുഷ്മാന് ഖുറാന നായകനായി വേഷമിട്ട ‘ആന് ആക്ഷന് ഹീറോ’ ആണ് അടുത്തിടെ പുറത്തിറങ്ങിയ നീരജിന്റെ ചിത്രം. വ്യത്യസ്ത ഗെറ്റപ്പിലെത്തിയ സുന്ദരി ഗാര്ഡന്സിലെ കഥാപാത്രവും ശ്രദ്ധ നേടിയിരുന്നു.
Discussion about this post