ശബരിമല: മണ്ഡലപൂജയ്ക്ക് അയ്യപ്പ വിഗ്രഹത്തില് ചാര്ത്താനുള്ള തങ്ക അങ്കിയും വഹിച്ചുകൊണ്ടുള്ള രഥ ഘോഷയാത്ര ആറന്മുള പാര്ത്ഥ സാരഥി ക്ഷേത്രത്തില് നിന്നും പുറപ്പെട്ടു. ശരണ മന്ത്രങ്ങളാല് ഭക്തിസാന്ദ്രമായ അന്തരീക്ഷത്തില് വന് ഭക്തജനാവലിയുടെ വരവേല്പ്പ് ഏറ്റുവാങ്ങിയാണ് ഘോഷയാത്ര പുറപ്പെട്ടത്.
വിവിധ ക്ഷേത്രങ്ങളിലെ സ്വീകരണത്തിനു ശേഷം 26ന് പമ്പയില് എത്തുന്ന ഘോഷയാത്ര ദേവസ്വം അധികൃതരുടെ അകമ്പടിയോടെ ആചാരപൂര്വം സ്വീകരിച്ച് ശബരിമല സന്നിധാനത്ത് എത്തിച്ചേരും. തുടര്ന്ന് പതിനെട്ടാം പടി കയറി സോപാനത്ത് എത്തുമ്പോള് തന്ത്രിയും മേല്ശാന്തിയും ചേര്ന്ന് എറ്റുവാങ്ങി അയ്യപ്പവിഗ്രഹത്തില് ചാര്ത്തിയ ശേഷമാണ് ദീപാരാധന. ഈ മാസം 27ന് ഉച്ചയ്ക്ക് 12.30നും ഒരു മണിക്കും മധ്യേയുള്ള മുഹൂര്ത്തത്തിലാണ് മണ്ഡലപൂജ.
മണ്ഡലപൂജ അടുത്തതോടെ ശബരിമലയിലേക്കുള്ള ഭക്തജന തിരക്കും വര്ധിച്ചിരിക്കുകയാണ്. ക്രിസ്മസ് അവധി കൂടി തുടങ്ങുന്നതോടെ തിരക്ക് ഇനിയും വര്ധിക്കുമെന്നാണ് കണക്കുകൂട്ടല്.
Discussion about this post