ബംഗലൂരു: റോഡ് ഷോയ്ക്കിടെ പ്രധാനമന്ത്രി നരേന്ദ്ര മോദിയെ മാലയണിയിക്കാൻ ആവേശത്തോടെ പാഞ്ഞടുത്ത യുവാവിനെ സുരക്ഷാ ഉദ്യോഗസ്ഥർ തടഞ്ഞു. കർണാടകയിലെ ഹുബ്ബാളിയിലാണ് സംഭവം. സുരക്ഷാകാരണങ്ങൾ മുൻനിർത്തിയാണ് യുവാവിനെ ഉദ്യോഗസ്ഥർ തടഞ്ഞത്.
യുവാവ് പ്രധാനമന്ത്രിയുടെ കാറിനടുത്തേക്ക് പാഞ്ഞെത്തുന്ന വീഡിയോ പുറത്ത് വന്നിട്ടുണ്ട്. ഇത് സുരക്ഷാ വീഴ്ചയാണെന്ന തരത്തിൽ ചില മാദ്ധ്യമങ്ങൾ റിപ്പോർട്ട് ചെയ്തിരുന്നു. എന്നാൽ സംഭവം സുരക്ഷാ വീഴ്ചയല്ലെന്ന് കർണാടക പോലീസ് വ്യക്തമാക്കി.
സ്വാമി വിവേകാനന്ദന്റെ ജന്മവാർഷികമായ ദേശീയ യുവജന ദിനത്തിൽ, ഇരുപത്തിയാറാമത് ദേശീയ യുവജന്തോത്സവം ഉദ്ഘാടനം ചെയ്യാനായിരുന്നു പ്രധാനമന്ത്രി കർണാടകയിൽ എത്തിയത്. ജനുവരി 12 മുതൽ 16 വരെയാണ് ദേശീയ യുവജന്തോത്സവം. രാജ്യത്തിന്റെ വിവിധ ഭാഗങ്ങളിൽ നിന്നായി മുപ്പതിനായിരത്തോളം യുവാക്കൾ പരിപാടിയിൽ പങ്കെടുക്കും. ‘വികസിത യുവത്വം- വികസിത ഇന്ത്യ‘ എന്നതാണ് ഈ വർഷത്തെ ദേശീയ യുവജനോത്സവത്തിന്റെ മുദ്രാവാക്യം.
Discussion about this post