റായ്പൂർ: ഛത്തീസ്ഗഡിൽ കമ്യൂണിസ്റ്റ് ഭീകര വിരുദ്ധ പ്രവർത്തനങ്ങൾ ശക്തമാക്കി സുരക്ഷാ സേന. ആറ് ഭീകരരെ അറസ്റ്റ് ചെയ്തു. ഇവരുടെ പക്കൽ നിന്നും വൻ സ്ഫോടക ശേഖരവും പിടിച്ചെടുത്തിട്ടുണ്ട്.
ഇന്നലെ വൈകീട്ടോടെയായിരുന്നു സംഭവം. സുക്മ ജില്ലയിലെ പൊലാള്ളി പോലീസ് സ്റ്റേഷനിൽ സുരക്ഷാ സേനയെ ലക്ഷ്യമിട്ട് ഭീകരാക്രമണത്തിനായി പദ്ധതിയിടുകയായിരുന്നു ഭീകരർ. ഇതുമായി ബന്ധപ്പെട്ട് വിവരം ലഭിച്ചതോടെ സുരക്ഷാ സേന സ്ഥലത്ത് എത്തി. തുടർന്ന് ഭീകരാക്രമണത്തിനായി ഐഇഡി സ്ഥാപിക്കുന്നതിനിടെ മൂന്ന് ഭീകരരെ പിടികൂടുകയായിരുന്നു.
ഭീകരാക്രമണത്തിനായി സ്ഫോടക സ്ഥാപിക്കുകയായിരുന്നു ഭീകരർ. ഇതിനിടെയായിരുന്നു പിടികൂടിയത്. പോലമ്പള്ളി പോലീസ് സ്റ്റേഷൻ പരിധിയിലായിരുന്നു സംഭവം. ഇതിൽ തലയ്ക്ക് ഒരു ലക്ഷം രൂപ പാരിതോഷികം പ്രഖ്യാപിച്ച ഭീകരൻ ഉൾപ്പെടെയുണ്ടെന്നാണ് സുരക്ഷാ സേന പറയുന്നത്.
ഇതിനിടെ ബിജാപൂർ ജില്ലയിലെ ഇന്ദേറിൽ കമ്യൂണിസ്റ്റ് ഭീകരരും സുരക്ഷാ സേനയും തമ്മിൽ ഏറ്റുമുട്ടി. ഇതിനിടെയായിരുന്നു മറ്റ് മൂന്ന് ഭീകരരെ അറസ്റ്റ് ചെയ്തത്.
