ഇസ്ലാമാബാദ്: പാകിസ്താനിൽ വിലക്കുകൾ മറികടന്ന് ഇന്ത്യൻ ചിത്രം പ്രദർശിപ്പിക്കുന്നു. ഷാരൂഖ് ഖാനും ദീപിക പദുക്കോണും കേന്ദ്രകഥാപാത്രങ്ങളായി എത്തിയ പഠാൻ ആണ് പാകിസ്താനിൽ വിലക്കുകൾ മറികടന്ന് അനധികൃതമായി പ്രദർശിപ്പിക്കുന്നത്.
കറാച്ചിയിലും മറ്റു സ്ഥലങ്ങളിലും പ്രദർശനങ്ങൾ സംഘടിപ്പിച്ചുവെന്നും തുടർന്ന് സിന്ധ് ബോർഡ് ഓഫ് ഫിലിം സെൻസർ ഇടപെട്ട് പ്രദർശനം മുടക്കിയെന്നും റിപ്പോർട്ടുകൾ പുറത്തുവരുന്നുണ്ട്. കടുത്ത സാമ്പത്തിക മാന്ദ്യത്തിനിടയിലും 900 പാകിസ്താൻ രൂപയ്ക്കാണ് ടിക്കറ്റുകൾ വിറ്റുപോയത്. ഒട്ടുമിക്ക ഷോകളും ഹൗസ്ഫുൾ ആയിരുന്നു.
പഠാൻ രഹസ്യമായി പ്രദർശിപ്പിക്കുന്ന വിവരമറിഞ്ഞ് സിബിഎഫ്സി കർശന നിർദേശങ്ങളാണ് പുറപ്പെടുവിച്ചിരിക്കുന്നത്. സെൻസർ ബോർഡ് സാക്ഷ്യപ്പെടുത്തിയ സിനിമകളെ പൊതുവിടങ്ങളിലും സ്വകാര്യ ഇടങ്ങളിൽ പ്രദർശിപ്പിക്കാൻ അനുവദിക്കുകയുള്ളൂ. അനധികൃതമായി ചിത്രം പ്രദർശിപ്പിച്ചാൽ മൂന്ന് വർഷം വരെ തടവും 10,000 പാകിസ്താൻ രൂപ പിഴയും ലഭിക്കുമെന്നാണ് നിർദ്ദേശം.
Discussion about this post