ഷാജി കൈലാസ്-സുരേഷ് ഗോപി കൂട്ടുകെട്ടിൽ ഒരുങ്ങിയ സൂപ്പർ ഹിറ്റ് ചിത്രം ചിന്താമണി കൊലക്കേസിൻറെ രണ്ടാം ഭാഗം ഒരുങ്ങുന്നു. കരിയറിലെ തന്നെ ഏറ്റവും മികച്ച ചിത്രത്തിൽ ലാൽ കൃഷ്ണ വിരാടിയാർ എന്ന കഥാപാത്രമായാണ് സുരേഷ് ഗോപി നിറഞ്ഞാടിയത്. ഇപ്പോഴിതാ ചിത്രത്തിന്റെ രണ്ടാം ഭാഗം എത്തുന്നുവെന്ന പ്രഖ്യാപനം നടത്തിയിരിക്കുകയാണ് ഷാജി കൈലാസ്.
”വീ ആർ ഓൺ ദി മൂവ്” എന്ന് കുറിച്ചുകൊണ്ട് ഷാജി കൈലാസ് തന്നെയാണ് പോസ്റ്റർ പങ്കുവെച്ചിരിക്കുന്നത്. ഷെൽഫിൽ അടുക്കി വെച്ചിരിക്കുന്ന നിയമ പുസ്തകങ്ങളിൽ സുരേഷ് ഗോപിയുടെ മുഖം തെളിയുന്ന തരത്തിലാണ് പോസ്റ്റർ. എൽകെ എന്നും പോസ്റ്ററിൽ എഴുതിയിട്ടുണ്ട്. ആരാധകർ ഏറെ ആകാംക്ഷയോടെ കാത്തിരുന്ന പ്രഖ്യാപനത്തിന് വലിയ പ്രതികരണങ്ങളാണ് ലഭിക്കുന്നത്.
ഷാജി കൈലാസിൻറെ സംവിധാനത്തിൽ 2006 ലാണ് ചിന്താമണി കൊലക്കേസ് റിലീസ് ആയത്. എ കെ സാജൻ ആണ് തിരക്കഥ. ഭാവന, തിലകൻ, ബിജു മേനോൻ, കലാഭവൻ മണി തുടങ്ങി വലിയ താരനിരയും അണിനിരന്നിരുന്നു.
Discussion about this post