ഗുഡ്ഗാവ്: ഓൺലൈൻ ഫുഡ് ഡെലിവറി പ്ലാറ്റ്ഫോമുകളുടെ നട്ടെല്ലാണ് ഡെലിവറി ഏജന്റുമാർ. മഴയത്തും പൊരിവെയിലത്തും ട്രാഫിക്കിലും സമയത്തിന് ഓർഡറുകൾ ഉപഭോക്താക്കൾക്ക് എത്തിച്ചു നൽകാൻ ഇവർ എടുക്കുന്ന റിസ്ക് ചില്ലറയല്ല. ഇവർക്ക് ആശ്വാസം നൽകുന്ന നീക്കവുമായി എത്തിയിരിക്കുകയാണ് സൊമാറ്റോ.
നിർത്താതെയുള്ള ഓട്ടത്തിനിടയിൽ ഡെലിവറി ഏജന്റുമാർക്ക് വിശ്രമിക്കാനും മൊബൈൽ റീചാർജ്ജ് ചെയ്യാനും മറ്റുമായി റെസ്റ്റ്
പോയിന്റുകൾ ഒരുക്കുകയാണ് കമ്പനി. സൊമാറ്റോ സിഇഒ ദീപീന്ദർ ഗോയൽ ആണ് സന്തോഷ വാർത്ത പങ്കുവെച്ചത്. കമ്പനി ആസ്ഥാനമായ ഗുഡ്ഗാവിൽ ഇത്തരം രണ്ട് കേന്ദ്രങ്ങൾ തുടങ്ങിയതായി അദ്ദേഹം പറഞ്ഞു. ഇതിന്റെ ചിത്രവും പങ്കുവെച്ചിട്ടുണ്ട്.
സൊമാറ്റോയ്ക്ക് മാത്രമല്ല മറ്റുള്ള കമ്പനികളുടെ ഡെലിവറി പാർട്ണർമാർക്കും ഈ സ്ഥലം ഉപയോഗിക്കാമെന്ന് ദീപീന്ദർ ഗോയൽ പറഞ്ഞു. ഓൺലൈൻ ഡെലിവറി പ്ലാറ്റ്ഫോമുകൾ ഉൾപ്പെടുന്ന ഗിഗ് സമ്പദ് മേഖലയിൽ ജാേലി ചെയ്യുന്ന താെഴിലാളികളുടെ മാനസീക, ശാരീരിക ആരോഗ്യത്തിന് മെച്ചപ്പെട്ട അന്തരീക്ഷമൊരുക്കുകയാണ് ഇതിലൂടെ ഉദ്ദേശിക്കുന്നതെന്ന് കമ്പനി വിശദീകരിക്കുന്നു.
ഏഴ് വർഷമായി കമ്പനിക്ക് ഒപ്പം തുടരുന്ന 200 ലധികം ജീവനക്കാർ സൊമാറ്റോയിൽ ഉണ്ടെന്ന്
ദീപീന്ദർ ഗോയൽ പറഞ്ഞു. പലരും വിട്ടുപോയ ശേഷം തിരിച്ചു വന്നവരാണ്. കമ്പനിയുടെ ഹൈ പെർഫോമൻസിന് ഇവരുടെ പങ്ക് വലുതാണെന്നും സിഇഒ പറഞ്ഞു.
Discussion about this post