ചണ്ഡീഗഡ്: അമൃത്സറിലെ സുവർണ ക്ഷേത്രത്തിൽ ദർശനം നടത്തി ബോളിവുഡ് നടി റാണി മുഖർജി. പുതിയ ചിത്രം റിലീസ് ചെയ്ത വെള്ളിയാഴ്ച വൈകീട്ട് ആയിരുന്നു താരം ക്ഷേത്രത്തിൽ എത്തിയത്. കുടുംബവും ഒപ്പമുണ്ട്.
ക്ഷേത്ര ദർശനത്തിന്റെ വിവരം ബോളിവുഡ് നടി തന്നെയാണ് സമൂഹമാദ്ധ്യമത്തിലൂടെ പങ്കുവച്ചത്. ക്ഷേത്ര പരിസരത്തു നിന്നുള്ള ധാരാളം ചിത്രങ്ങൾ നടി സമൂഹമാദ്ധ്യമത്തിൽ പങ്കുവച്ചിട്ടുണ്ട്. നിമിഷ നേരങ്ങൾ കൊണ്ടുതന്നെ താരത്തിന്റെ ഈ ചിത്രങ്ങൾ സോഷ്യൽ മീഡിയയിൽ വൈറൽ ആയി. നിരവധി പേരാണ് ഇതിന് താഴെ പുതിയ സിനിമയ്ക്ക് ആശംസകൾ അറിയിച്ചിരിക്കുന്നത്.
മിസ്സിസ് ചാറ്റർജി sV നോർവേ ആണ് വെള്ളിയാഴ്ച റിലീസ് ചെയ്ത റാണി മുഖർജിയുടെ പുതിയ ചിത്രം. സാഹിത്യകാരി സാഗരിക ചക്രബർത്തിയുടെ പുസ്തകം എ ജേർണി ഓഫ് എ മദർ ആസ്പദമാക്കിയാണ് ഈ സിനിമ നിർമ്മിച്ചിരിക്കുന്നത്. ചിത്രത്തിൽ അമ്മയുടെ റോളിലാണ് റാണി മുഖർജി എത്തുന്നത്.
