ബിജെപിയുടെ ബാഡ്ജ് ഇട്ട് വരൂ… അപ്പോൾ ഞാൻ മറുപടി പറയാം; മാദ്ധ്യമപ്രവർത്തകനോട് ആക്രോശിച്ച് രാഹുൽ ഗാന്ധി

ന്യൂഡൽഹി : വാർത്താ സമ്മേളനത്തിനിടെ ചോദ്യം ചോദിച്ച മാദ്ധ്യമപ്രവർത്തകനോട് കയർത്ത് രാഹുൽ ഗാന്ധി. പിന്നോക്ക സമുദായത്തെ അപമാനിച്ച പരാമർശവുമായി ബന്ധപ്പെട്ട് ചോദ്യം ചോദിച്ചതോടെയാണ് രാഹുൽ ഗാന്ധി കയർത്തത്.  ബിജെപിക്ക് വേണ്ടി പ്രവർത്തിക്കാനാണെങ്കിൽ പോയി ബിജെപി ബാഡ്ജ് കുത്തിയിട്ട് വരൂ. എന്നാൽ നിങ്ങൾക്ക് മറുപടി നൽകാമെന്നാണ് രാഹുൽ പറഞ്ഞത്.

രാഹുലിന്റെ വാക്കുകൾ ഒബിസി വിഭാഗങ്ങളെ മുഴുവൻ ആക്ഷേപിക്കുന്നതാണെന്ന് വിധി വന്നതിന് ശേഷം ബിജെപി ഉന്നയിക്കുന്നുണ്ടല്ലോ എന്നായിരുന്നു മാദ്ധ്യമപ്രവർത്തകന്റെ ചോദ്യം. എന്നാൽ എന്തിനാണ് ഇങ്ങനെ നേരിട്ട് ബിജെപിക്ക് വേണ്ടി പണിയെടുക്കുന്നതെന്ന് രാഹുൽ ചോദിച്ചു. ബിജെപിക്ക് വേണ്ടി പ്രവർത്തിക്കാനാണ് ഉദ്ദേശിക്കുന്നതെങ്കിൽ ബിജെപിയുടെ ചിഹ്നം നെഞ്ചിൽ പതിച്ചുവരാനായിരുന്നു രാഹുലിന്റെ മറുപടി. അപ്പോൾ ഞാൻ മറുപടി നൽകാം. . മാദ്ധ്യമപ്രവർത്തകനാണെന്ന് നടിക്കരുതെന്നും രാഹുൽ ഗാന്ധി പറഞ്ഞു.

നേരിട്ട് ചോദ്യം ചോദിച്ചതാണ് രാഹുലിനെ പ്രകോപിപ്പിച്ചത്. ഇക്കാര്യം രാഹുൽ മറുപടിക്കിടെ പരാമർശിക്കുകയും ചെയ്തു. എന്തിനാണ് ഇങ്ങനെ നേരിട്ട് ചോദിക്കുന്നതെന്നും നമുക്ക് ചർച്ച ചെയ്യാമെന്നുമൊക്കെ രാഹുൽ പറയുന്നുണ്ടായിരുന്നു. പക്ഷെ മാദ്ധ്യമപ്രവർത്തകന്റെ ചോദ്യത്തിന് മാത്രം രാഹുൽ ഉത്തരം നൽകിയില്ല. മോദി സമുദായത്തിനെതിരെ രാഹുൽ ഉപയോഗിച്ച വാക്കുകൾ ഒബിസി സമുദായത്തെ മുഴുവൻ ആക്ഷേപിക്കുന്നതാണെന്ന വിമർശനം ശക്തമാകുന്നതിനിടെയാണ് മാദ്ധ്യമപ്രവർത്തകൻ ഇക്കാര്യം ചോദിച്ചത്.

I am told the journalist Rahul Gandhi snubbed for asking a perfectly legitimate question has been covering the Congress for 15 years and is fairly aligned. Yet, he was shot down, the moment he stepped out of the line. What arrogance!

But Rahul Gandhi is messiah of ‘free’ press… https://t.co/USqHjkbPQn

— Amit Malviya (मोदी का परिवार) (@amitmalviya) March 25, 2023

മാദ്ധ്യമപ്രവർത്തകനോട് അനാവശ്യമായി ചൂടാകുന്ന രാഹുലിന്റെ വീഡിയോയാണ് ഇപ്പോൾ പ്രചരിക്കുന്നത്. മാദ്ധ്യമപ്രവർത്തകരെ ഇത്തരത്തിൽ അധിക്ഷേപിക്കുന്നതിനെതിരെ രൂക്ഷവിമർശനമാണ് ഉയരുന്നത്.