ന്യൂഡൽഹി: വിവാഹവേദിയിൽ വച്ച് വരനെ ചെരുപ്പ് ഊരി അടിച്ച് വധുവിന്റെ പിതാവ്. സോഷ്യൽ മീഡിയിലൂടെയാണ് വീഡിയോ വൈറലായത്. വിവാഹപന്തലിൽ വച്ച് വരൻ കരയുന്നതും വീഡിയോ ദൃശ്യങ്ങളിൽ കാണാം. സ്വന്തം കാലിൽ കിടന്ന ചെരുപ്പൂരിയാണ് വധുവിന്റെ അച്ഛൻ മർദ്ദിച്ചത്.
സ്ത്രീകളും കുട്ടികളും അടക്കം നിരവധി പേർ നോക്കി നിൽക്കുമ്പോഴാണ് വധുവിന്റെ അച്ഛൻ, വരന്റെ കോളറിൽ പടിക്കുകയും പൊതിരെ തല്ലുകയും ചെയ്തത്. ഒരു കൈ കൊണ്ട് വരനെ പിടിച്ച് മറുകൈ കൊണ്ട് വരനെ തല്ലുകയായിരുന്നു. സംഭവസ്ഥലത്തുണ്ടായിരുന്ന ചിലർ ചേർന്ന് പിടിച്ച് മാറ്റാൻ ശ്രമിക്കുന്നുണ്ടെങ്കിലും പിതാവ് ഇതൊന്നും ശ്രദ്ധിക്കാതെ, വരനെ മർദ്ദിക്കുകയും ചീത്ത പറയുകയുമായിരുന്നു.
വരൻ വിവാഹചടങ്ങുകൾക്കിടെ സ്ത്രീധനമായി ബൈക്ക് ആവശ്യപ്പെട്ടതാണ് പിതാവിനെ പ്രകോപിതനാക്കിയത്. പിതാവ് മർദ്ദിച്ചതോടെ , ഇനി ഇത്തരത്തിൽ പെരുമാറില്ലെന്ന് ആണയിട്ട് ഉറപ്പു നൽകുകയായിരുന്നു. സ്ത്രീധനം ആവശ്യപ്പെടുന്ന എല്ലാവർക്കും ഇതൊരു പാഠമാകട്ടെ എന്ന് പറഞ്ഞാണ് പലരും ഈ വീഡിയോ സമൂഹമാദ്ധ്യമങ്ങളിലൂടെ പങ്കുവയ്ക്കുന്നത്.
Discussion about this post