തിരുവനന്തപുരം : നിലവിൽ കേരളത്തിലൂടെ ഓടിക്കൊണ്ടിരിക്കുന്ന വിവിധ ട്രെയിനുകള്ക്ക് പുതിയ സ്റ്റോപ്പുകള് കൂടി അനുവദിച്ച് ഇന്ത്യൻ റെയിൽവേ. യാത്രക്കാരുടെ സൗകര്യം കൂടി പരിഗണിച്ച് പരീക്ഷണാടിസ്ഥാനത്തിൽ ആയിരിക്കും പുതിയ സ്റ്റോപ്പുകൾ നടപ്പിലാക്കുക. നിലവിൽ ഒരു മിനിറ്റാണ് ട്രെയിനുകൾക്ക് അനുവദിച്ചിരിക്കുന്ന സ്റ്റോപ്പേജ് സമയം. ട്രെയിനുകളും അധികമായി അനുവദിച്ചിരിക്കുന്ന സ്റ്റോപ്പുകളും ഏതാണെന്ന് അറിയാം.
1. ട്രെയിൻ നമ്പർ.12618 എച്ച്.നിസാമുദ്ദീൻ-എറണാകുളം മംഗള എക്സ്പ്രസ്.
2023 ജൂലായ് 15 നുള്ള ഹസ്രത്ത് നിസാമുദ്ദീൻ – എറണാകുളം ജംഗ്ഷൻ മംഗള ഡെയ്ലി എക്സ്പ്രസിന് വടകര-കോഴിക്കോട് സെക്ഷനിലെ കൊയിലാണ്ടി സ്റ്റേഷനിൽ അധിക സ്റ്റോപ് നല്കും
2. ട്രെയിൻ നമ്പർ.16381 പൂനെ – കന്യാകുമാരി ഡെയ്ലി എക്സ്പ്രസ്.
2023 ജൂലൈ 15 മുതൽ പൂനെ – കന്യാകുമാരി ഡെയ്ലി എക്സ്പ്രസിന് പാലക്കാട് – തൃശൂർ സെക്ഷനിലെ ഒറ്റപ്പാലം സ്റ്റേഷനിൽ അധിക സ്റ്റോപ് നല്കും.
3. ട്രെയിൻ നമ്പർ. 16604 തിരുവനന്തപുരം – മംഗളൂരു മാവേലി എക്സ്പ്രസ്.
2023 ജൂലായ് 16 ന് തിരുവനന്തപുരത്ത് നിന്ന് പുറപ്പെടുന്ന തിരുവനന്തപുരം സെൻട്രൽ – മംഗളൂരു സെൻട്രൽ ഡെയ്ലി എക്സ്പ്രസിന് കുറ്റിപ്പുറം, കൊയിലാണ്ടി സ്റ്റേഷനുകളിൽ അധിക സ്റ്റോപ്പ് നൽകും
4. ട്രെയിൻ നമ്പർ.16344 മധുര – തിരുവനന്തപുരം അമൃത എക്സ്പ്രസ്.
2023 ജൂലൈ 16 മുതൽ മധുര ജംഗ്ഷൻ – തിരുവനന്തപുരം സെൻട്രൽ ഡെയ്ലി അമൃത എക്സ്പ്രസിന് കരുനാഗപ്പള്ളി സ്റ്റേഷനിൽ അധിക സ്റ്റോപ്പ് നൽകും.
5. ട്രെയിൻ നമ്പർ. 16347 തിരുവനന്തപുരം – മംഗളൂരു ഡെയ്ലി എക്സ്പ്രസ്.
2023 ജൂലൈ 16 മുതൽ തിരുവനന്തപുരം സെൻട്രൽ – മംഗളൂരു സെൻട്രൽ ഡെയ്ലി എക്സ്പ്രസിന് അങ്കമാലി – തൃശൂർ സെക്ഷനിലെ ചാലക്കുടി സ്റ്റേഷനിൽ അധിക സ്റ്റോപ്പ് നൽകും.
6. ട്രെയിൻ നമ്പർ.16603 മംഗളൂരു-തിരുവനന്തപുരം ഡെയ്ലി എക്സ്പ്രസ്.
2023 ജൂലൈ 16 ന് മംഗളൂരു സെൻട്രൽ – തിരുവനന്തപുരം സെൻട്രൽ മാവേലി ഡെയ്ലി എക്സ്പ്രസിന് ആലപ്പുഴ – ഹരിപ്പാട് സെക്ഷനിലെ അമ്പലപ്പുഴ സ്റ്റേഷനിൽ അധിക സ്റ്റോപ്പ് നല്കും
7. ട്രെയിൻ നമ്പർ.16606 നാഗർകോവിൽ-മംഗലാപുരം ഡെയ്ലി എക്സ്പ്രസ്.
2023 ജൂലൈ 17 മുതൽ മംഗളൂരു സെൻട്രൽ – തിരുവനന്തപുരം സെൻട്രൽ മാവേലി ഡെയ്ലി എക്സ്പ്രസിന് കുളിത്തുറൈ, നെയ്യാറ്റിൻകര സ്റ്റേഷനുകളിൽ അധിക സ്റ്റോപ്പ് നൽകും.
8. ട്രെയിൻ നമ്പർ.13352 ആലപ്പുഴ – ധൻബാദ് ഡെയ്ലി എക്സ്പ്രസ്.
2023 ജൂലൈ 17 ന് ആലപ്പുഴ – ധൻബാദ് ഡെയ്ലി എക്സ്പ്രസിന് എംജിആർ ചെന്നൈ സെൻട്രൽ – നായദുപേട്ട സെക്ഷനിലെ സുല്ലൂർപേട്ട സ്റ്റേഷനിൽ അധിക സ്റ്റോപ്പ് നൽകും.
9. ട്രെയിൻ നമ്പർ. 16188 എറണാകുളം – കാരയ്ക്കൽ ഡെയ്ലി എക്സ്പ്രസ്.
എറണാകുളം ജംഗ്ഷൻ – കാരക്കൽ ഡെയ്ലി എക്സ്പ്രസിന് 2023 ജൂലായ് 18 മുതൽ ഈറോഡിലെ കൊടുമുടി സ്റ്റേഷനിൽ അധിക സ്റ്റോപ്പ് നൽകും.
10. ട്രെയിൻ നമ്പർ.16339 മുംബൈ സി.എസ്.എം.ടി – നാഗർകോവിൽ എക്സ്പ്രസ്.
2023 ജൂലായ് 18-ന് മുംബൈ സി.എസ്.എം.ടി – നാഗർകോവിൽ ജംഗ്ഷൻ എക്സ്പ്രസിന് സേലം ജങ്ഷനിലെ നാമക്കൽ സ്റ്റേഷനിൽ അധിക സ്റ്റോപ്പ് നൽകും.
11. ട്രെയിൻ നമ്പർ.16792 പാലക്കാട് – തിരുനെൽവേലി പാലരുവി ഡെയ്ലി എക്സ്പ്രസ്.
2023 ജൂലായ് 18 മുതൽ പാലക്കാട് ജംഗ്ഷൻ – തിരുനെൽവേലി ജംഗ്ഷൻ പാലരുവി ഡെയ്ലി എക്സ്പ്രസിന് കൊല്ലം ജംഗ്ഷനിലെ കുണ്ടറ റെയിൽവേ സ്റ്റേഷനിൽ അധിക സ്റ്റോപ്പ് നൽകും.
12. ട്രെയിൻ നമ്പർ.16791 തിരുനെൽവേലി – പാലക്കാട് പാലരുവി ഡെയ്ലി എക്സ്പ്രസ്.
തിരുനെൽവേലി ജംഗ്ഷൻ – പാലക്കാട് ജംഗ്ഷൻ പാലരുവി ഡെയ്ലി എക്സ്പ്രസിന് 2023 ജൂലൈ 19 മുതൽ കീല കടയത്തിലെ പാവൂർഛത്രം റെയിൽവേ സ്റ്റേഷനിൽ അധിക സ്റ്റോപ്പ് നൽകും.
13. ട്രെയിൻ നമ്പർ.16730 പുനലൂർ-മധുരൈ ഡെയ്ലി എക്സ്പ്രസ്.
2023 ജൂലായ് 19-ന് പുനലൂർ – മധുരൈ ജംഗ്ഷൻ ഡെയ്ലി എക്സ്പ്രസിന് നാഗർകോവിൽ ജംഗ്ഷനിലെ വള്ളിയൂർ സ്റ്റേഷനിൽ അധിക സ്റ്റോപ്പ് നൽകും.
