ടൊറന്റോ: കാനഡയിൽ ബ്രാംപ്ടൺ നഗരത്തിൽ ശ്രീ ഭഗവദ്ഗീത പാർക്കിന് നേരെ ആക്രമണം. പാർക്കിലെ നിർമ്മിതികൾ ഇന്ത്യവിരുദ്ധ എഴുത്തുകയും ചിത്രങ്ങളും ഉപയോഗിച്ച് വികൃതമാക്കി. ആക്രമണത്തിന് പിന്നിൽ ഖാലിസ്ഥാനികളെന്നാണ് പ്രാഥമിക നിഗമനം.
ഗ്രാഫിറ്റി സ്േ്രപ പെയിന്റടിച്ചാണ് ശ്രീ ഭഗവദ്ഗീത പാർക്കിനെ വികൃതമാക്കിയത്. പുലർച്ചെ ഇത് ശ്രദ്ധയിൽപ്പെട്ട പാർക്കിന്റെ പരിപാലന ചുമതലയുള്ള ജീവനക്കാർ, ഉടൻ തന്നെ പാർക്ക് വൃത്തിയാക്കുകയായിരുന്നു.
ഈ നശീകരണ പ്രവർത്തനത്തിൽ താൻ ‘രോഷം പ്രകടിപ്പിച്ചു’, ‘ഏത് വിശ്വാസ സമൂഹത്തെയും ഭീഷണിപ്പെടുത്തുന്നതിനോട്’ നഗരത്തിന് യോജിപ്പില്ലെന്ന് ബ്രാംപ്ടണിന്റെ മേയർ പാട്രിക് ബ്രൗൺ വ്യക്തമാക്കി. ഇന്ത്യ-കനേഡിയൻ വംശജർ നശീകരണ പ്രവർത്തനത്തിൽ തങ്ങളുടെ രോഷം പ്രകടിപ്പിച്ചു.
3.7 ഏക്കർ വിസ്തൃതിയുള്ള ട്രോയേഴ്സ് പാർക്കിന്റെ പേര് കഴിഞ്ഞ വർഷം സെപ്തംബറിലാണ് ശ്രീ ഭഗവദ്ഗീത പാർക്ക് എന്ന് പുനർനാമകരണം ചെയ്തത്. പാർക്കിൽ പാർത്ഥസാരഥി പ്രതിമകളുണ്ട്.
അതേസമയം ഖാലിസ്ഥാനി ഭീകരതയ്ക്കെതിരെ ഇന്ത്യ നിലപാട് കടുപ്പിച്ചതിന് പിന്നാലെ കാനഡയിലെ ക്ഷേത്രങ്ങളും ഇന്ത്യൻ നിർമ്മിതികളും സ്ഥാപനങ്ങളും തുടർച്ചയായി ആക്രമിക്കപ്പെടുകയാണ്.
Discussion about this post