ചെന്നൈ : കേരളത്തിന് ഓണസമ്മാനമായി അനുവദിച്ച രണ്ടാം വന്ദേ ഭാരത് കോട്ടയത്തേക്ക് എത്തുന്നു. മംഗലാപുരം-കോട്ടയം റൂട്ടിലാവും ഇത് സര്വീസ് നടത്തുക. പുതുപ്പള്ളി തെരഞ്ഞെടുപ്പിന് ശേഷമാകും വന്ദേ ഭാരത് ട്രെയിന് കേരളത്തിലെത്തുന്നത്. ഇതുമായി ബന്ധപ്പെട്ട നടപടിക്രമങ്ങള് പൂര്ത്തിയായതായി അധികൃതര് വ്യക്തമാക്കി. ട്രയിന് ചെന്നൈയില് നിന്നും കേരളത്തിലേക്ക് ഉടന് എത്തിക്കുമെന്നാണ് ഏറ്റവും ഒടുവില് ലഭിക്കുന്ന സ്ഥിരീകരണം.
ഓണസമ്മാനമായി രണ്ടാം വന്ദേഭാരത് ഉടന് കേരളത്തിലെത്തുമെന്നായിരുന്നു ആദ്യം കരുതിയിരുന്നത്. പിന്നീട് ഓറഞ്ച് നിറത്തിലുള്ള പുതിയ വന്ദേഭാരത് ട്രെയിന് ദക്ഷിണ റെയില്വേയ്ക്ക് കൈമാറാനുള്ള തീരുമാനം കേരളത്തിന്റെ പ്രതീക്ഷ കൂട്ടി. ചെന്നൈ ഇന്റഗ്രല് കോച്ച് ഫാക്ടറിയില് നിന്ന് വെള്ളിയാഴ്ച രാത്രി എട്ടേമുക്കാലിന് റേക്ക് പുറപ്പെട്ടപ്പോള് ലക്ഷ്യം മംഗലാപുരം എന്നായിയിരുന്നു പ്രചാരണം.
ഇലക്ട്രിക്കല് ജോലികള് പൂര്ത്തിയാക്കിയെങ്കിലും ഉന്നത ഉദ്യോഗസ്ഥരില് നിന്നുള്ള നിര്ദേശം വരാത്തതിനാലാണ് ട്രെയിന് നീങ്ങാത്തതെന്ന് റെയില്വേ വൃത്തങ്ങള് പറയുന്നു. പുതിയ വന്ദേഭാരത് ട്രെയിനുകളുടെ ഉദ്ഘാടന ചടങ്ങിന് പ്രധാനമന്ത്രിയുടെ സമയം ഇതുവരെ ലഭിച്ചിട്ടില്ല. അതിനാല് ഡിസൈന് മാറ്റം വരുത്തിയ ആദ്യ വന്ദേ ഭാരത് ട്രെയിന് തന്നെ കേരളത്തിന് കിട്ടുമോയെന്നറിയാന് കുറച്ചു ദിവസങ്ങള് കൂടി കാത്തിരിക്കേണ്ടിവരും.
Discussion about this post