കല്ലടിക്കോട്: ചാർജ് ചെയ്യുന്നതിനിടയിൽ കരോക്കെ മൈക്ക് പൊട്ടിത്തെറിച്ച് ആറുവയസുകാരിക്ക് പരിക്ക്. പാലക്കാട് ജില്ലയിലെ കല്ലടിക്കോട് സ്വദേശി ഫിറോസ് ബാബുവിന്റെ മകൾ ഫിൻസ ഐറിനാണ് പരിക്കേറ്റത്. ഓൺലൈനിൽ നിന്നും വാങ്ങിയ അറുനൂറു രൂപാ വിലയുള്ള മൈക്കായിരുന്നു പൊട്ടിത്തെറിച്ചത് .
മൈക്ക് ചാർജ് ചെയ്തുകൊണ്ട് കുട്ടി പാട്ടു പാടുകയായിരുന്നു. പാടുന്നത് മൊബൈലിൽ റെക്കോർഡ് ചെയ്യുന്നുണ്ടായിരുന്നു. അതിനിടെയാണ് ഉഗ്രമായ ശബ്ദത്തോടെ മൈക്ക് പൊട്ടിത്തെറിച്ചത് . പൊട്ടിത്തെറിച്ച മൈക്ക് ചൈനീസ് നിർമ്മിതമായിരുന്നു. മൈക്കിൾ കമ്പനിയുടെ പേര് വ്യക്തമല്ലാത്തതിനാൽ വീട്ടുകാർക്ക് ഇതുവരെ പരാതി നൽകാനും സാധിച്ചിട്ടില്ല.
Discussion about this post