ഡല്‍ഹി: ഡല്‍ഹി കൂട്ടബലാത്സംഗ കേസിലെ പ്രായപൂര്‍ത്തിയാകാത്ത പ്രതിയെ മോചിപ്പിയ്ക്കാമെന്ന് ഡല്‍ഹി ഹൈക്കോടതി. പ്രതിയെ വിട്ടയയ്ക്കരുതെന്ന കേന്ദ്ര സര്‍ക്കാറിന്റെ ആവശ്യം തള്ളിക്കൊണ്ടാണ് കോടതി വിധി.
നിലവിലെ ജുവനൈല്‍ ചട്ടങ്ങള്‍ അനുസരിച്ച് പ്രതിയെ മോചിപ്പിയ്ക്കാമെന്നാണ് കോടതി വ്യക്തമാക്കിയത്. പ്രതിയെ സമൂഹത്തില്‍ സ്വതന്ത്രമായി വിടാമോ എന്ന് ജുവനൈല്‍ ബോര്‍ഡിന് തീരുമാനിയ്ക്കാമെന്നും കോടതി പറഞ്ഞു.
കേസിലെ പ്രായപൂര്‍ത്തിയാകാത്ത പ്രതിയെ ഞായറാഴ്ച വിട്ടയയ്ക്കും. നീതി കിട്ടിയില്ലെന്ന് ജ്യോതി സിംഗിന്റെ അമ്മ പ്രതികരിച്ചു. കോടതിയില്‍ പ്രതീക്ഷ ഉണ്ടായിരുന്നെന്നും ഇപ്പോള്‍ നിരാശയാണെന്നും അവര്‍ മാധ്യമപ്രവര്‍ത്തകരോട് പറഞ്ഞു.
Discussion about this post