ജനീവ; കനേഡിയൻ സായുധ സേനയുടെ ഔദ്യോഗിക വെബ്സൈറ്റ് താൽക്കാലികമായി പ്രവർത്തനരഹിതമാക്കി ഹാക്കർമാർ. സംഭവത്തിന്റെ ഉത്തരവാദിത്വം ഏറ്റെടുത്ത് ഇന്ത്യൻ സൈബർ ഫോഴ്സ് ഹാക്കർസംഘം രംഗത്തെത്തിയിട്ടുണ്ട്.
ഇന്നലെ ഉച്ചയോടെയാണ് വെബ്സൈറ്റിന് തടസം നേരിട്ടത്. അൽപ്പസമയം പ്രവർത്തനരഹിതമായതോടെ സായുധസേന അലർട്ടുകൾ പ്രഖ്യാപിച്ചു. വൈകാതെ പ്രവർത്തനം പുഃനസ്ഥാപിക്കുകയായിരുന്നു.
ഇന്ത്യൻ സൈബർ ഫോഴ്സ്, എക്സിലെ ഒരു പോസ്റ്റിൽ, ‘കനേഡിയൻ എയർഫോഴ്സ് വെബ്സൈറ്റ് നീക്കം ചെയ്തു’ എന്ന് പ്രഖ്യാപിക്കുകയും ഇതിന്റെ സ്ക്രീൻഷോട്ട് പങ്കുവയ്ക്കുകയും ചെയ്തു. ഇന്ത്യൻ സൈബർ ഫോഴ്സ് മുമ്പ് സെപ്റ്റംബർ 21 ന് കാനഡയെ ഭീഷണിപ്പെടുത്തിയിരുന്നു, കനേഡിയൻ സൈബർസ്പേസിനെതിരായ ആക്രമണത്തിന്റെ ശക്തി അനുഭവിക്കാൻ തയ്യാറാകണമെന്ന് സോഷ്യൽ മീഡിയ വഴി മുന്നറിയിപ്പ് നൽകിയിരുന്നു. ഇതിന് പിന്നാലെയാണ് വെബ്സൈറ്റ് ഹാക്ക് ചെയ്തത്. വരും ദിവസങ്ങളിൽ ഏതൊക്കെ ആക്രമണങ്ങളാണ് കനേഡിയൻ സൈബർസ്പേസിന് അനുഭവിക്കേണ്ടി വരികയെന്ന് കാത്തിരുന്ന കാണാമെന്നാണ് സോഷ്യൽമീഡിയ ഉപയോക്താക്കൾ പറയുന്നത്.
Discussion about this post