ജെറുസലേം: യുദ്ധത്തിന്റെ പേരിൽ കടുത്ത ക്രൂരത തുടരുമ്പോഴും മുഖം രക്ഷിക്കാൻ പെടാപാട് പെട്ട് ഹമാസ് ഭീകരർ. തങ്ങൾ സമാധാനത്തിന്റെ വക്താക്കളെന്ന് സ്ഥാപിക്കാൻ പുറത്തുവിട്ട വീഡിയോ ഇപ്പോൾ കടുത്ത വിമർശനത്തിനാണ് കാരണമാകുന്നത്. ഭീകരർ ബന്ദികളാക്കിയവരിൽ കൊച്ചുകുട്ടികളും ഉണ്ടെന്ന വസ്തുത സ്ഥിരീകരിക്കുന്നതാണ് വീഡിയോ.
ആയുധധാരികളായ ഹമാസ് ഭീകരർ കുട്ടികളെ കൈകളിലേറ്റി നടക്കുന്നത് ദൃശ്യങ്ങളിൽ വ്യക്തമാണ്. ടെലിഗ്രാമിലൂടെയാണ് വീഡിയോ പുറത്ത് വിട്ടത്. തങ്ങൾ കുട്ടികളോട് അനുകമ്പാ പൂർവ്വമാണ് പെരുമാറുന്നത് എന്ന് സ്ഥാപിക്കാനായിരുന്നു വീഡിയോ പുറത്ത് വിട്ടത്. എന്നാൽ ശോചനീയാവസ്ഥയിൽ കുട്ടികളെ പാർപ്പിച്ചിരിക്കുന്നതും മറ്റുമാണ് വ്യക്തമാകുന്നത്.
You can see their injuries,
hear their cries
and feel them trembling from fear as these children are held hostage in their own homes by Hamas terrorists and their parents lie there dead in the next room.These are the terrorists that we are going to defeat. pic.twitter.com/myDsGnOzT1
— Israel Defense Forces (@IDF) October 14, 2023
വീഡിയോയുടെ അവസാനം, ഒരു കപ്പ് വെള്ളം നൽകുമ്പോൾ ഒരു കുട്ടിയോട് ‘ബിസ്മില്ല’ എന്ന് പറയാൻ ഹമാസ് ഭീകരർ ആവശ്യപ്പെടുന്നു. കുട്ടി അതു പറഞ്ഞതിന് ശേഷമാണ് ദാഹജലം നൽകിയത്.
അതേസമയം ഗാസ മുനമ്പിലെ ഹമാസിന്റെ ഒളിത്താവളങ്ങളിൽ പിടിച്ചുവച്ചിരിക്കുന്ന ബന്ദികളെ മോചിപ്പിക്കാൻ തങ്ങളാൽ കഴിയുന്നതെല്ലാം ചെയ്യുമെന്ന് ഇസ്രായേലും യുഎസും പ്രതിജ്ഞയെടുത്തു.
