ന്യൂഡല്‍ഹി : മനുഷ്യനെ ബഹിരാകാശത്ത് എത്തിക്കാനുള്ള ഇന്ത്യയുടെ ദൗത്യമായ ഗഗന്‍യാന്റെ ആദ്യ പരീക്ഷണ പറക്കല്‍ വിജയകരമായതില്‍ ഐഎസ്ആര്‍ഒ ശാസ്ത്രജ്ഞര്‍ക്ക് അഭിനന്ദനമറിയിച്ച് പ്രധാനമന്ത്രി നരേന്ദ്ര മോദി. ഗഗന്‍യാന്‍ യാഥാര്‍ത്ഥ്യമാകാന്‍ നാം ഒരു പടി കൂടി അടുത്തിരിക്കുന്നതായും ഇതിന് പിന്നില്‍ പ്രവര്‍ത്തിച്ച ശാസ്ത്രജ്ഞര്‍ക്ക് എല്ലാ വിധ അഭിനന്ദനങ്ങളും നേരുന്നതായി പ്രധാനമന്ത്രി ആശംസിച്ചു.
This launch takes us one step closer to realising India’s first human space flight program, Gaganyaan. My best wishes to our scientists at @isro. https://t.co/6MO7QE1k2Z
— Narendra Modi (@narendramodi) October 21, 2023
അടിയന്തര സാഹചര്യത്തില്‍ ബഹിരാകാശ സഞ്ചാരികളെ റോക്കറ്റില്‍ നിന്നും സുരക്ഷിതമായി പുറത്തെത്തിക്കാനുള്ള ക്രൂ എസ്‌കേപ്പ് സിസ്റ്റത്തിന്റെ പരീക്ഷണമായിരുന്നു ഇന്ന് രാവിലെ നടന്നത്. ശ്രീഹരിക്കോട്ടയില്‍ നിന്നും നടത്തിയ വിക്ഷേപണത്തിന് പിന്നാലെ (ടിവി ഡി1 ടെസ്റ്റ് ഫ്ളൈറ്റ്) ബംഗാള്‍ ഉള്‍ക്കടലില്‍ പതിച്ച പേടകം നാവികസേന വീണ്ടെടുത്തു. ഇത് വൈകാതെ ചെന്നൈയിലേക്ക് എത്തിക്കും.
എഞ്ചിന്‍ ഇഗ്നിഷന്‍ തകരാര്‍ കാരണം രാവിലെ 8.45ന് വിക്ഷേപണം നിര്‍ത്തിവച്ചിരുന്നു. പിന്നീട് തകരാറുകള്‍ പരിഹരിച്ച ശേഷം 10 മണിക്കാണ് വിക്ഷേപണം വിജയകരമായി നടത്തിയത്. പ്രതികൂല സാഹചര്യം ഉണ്ടായാല്‍ അതിവേഗത്തില്‍ മറികടക്കാന്‍ സാധിക്കുമെന്ന് ഐഎസ്ആര്‍ഒ ടീം തെളിയിച്ചതായി എസ്. സോമനാഥ് പ്രതികരിച്ചു.
Discussion about this post