പാലക്കാട് : പോലീസ് ജീപ്പിന്റെ നേരെ ആക്രമണം നടത്തിയതിന് യുവാവ് അറസ്റ്റിൽ. പാലക്കാട് ഒറ്റപ്പാലത്താണ് സംഭവം. പോലീസ് സ്റ്റേഷനു മുൻപിലെ റോഡിലായി നിർത്തിയിട്ടിരുന്ന ജീപ്പിന്റെ ചില്ലാണ് യുവാവ് അടിച്ചു തകർത്തത്. ഹെൽമറ്റ് ഉപയോഗിച്ചാണ് യുവാവ് ചില്ല് തകർത്തത്.
പോലീസിനെതിരെ ആക്രമണം നടത്തിയതിന് വാണിയംകുളം സ്വദേശി ശ്രീജിത്തിനെ പോലീസ് അറസ്റ്റ് ചെയ്തു. ഒറ്റപ്പാലം പോലീസിന് ഐഎസ്ഒ അംഗീകാരം ലഭിച്ചതിന്റെ ചടങ്ങുകൾ നടക്കുന്നതിന് ഇടയിലായിരുന്നു പുറത്തു നിർത്തിയിട്ടിരുന്ന ജീപ്പിന് നേരെ ആക്രമണം നടന്നത്.
റോഡരികിൽ നിർത്തിയിട്ടിരിക്കുന്ന ജീപ്പ് യുവാവ് ഹെൽമറ്റ് ഉപയോഗിച്ച് തകർക്കുന്നത് സിസിടിവി ദൃശ്യങ്ങളിൽ വ്യക്തമാണ്. ആക്രമണം നടത്തിയതിന് തൊട്ടു പിന്നാലെ തന്നെ ഇയാൾ പോലീസ് കസ്റ്റഡിയിൽ എടുത്തിരുന്നു. മദ്യലഹരിയിലാണ് യുവാവ് പോലീസ് ജീപ്പിന്റെ ചില്ല് അടിച്ചുതകർത്തതെന്നാണ് സൂചന. ചോദ്യം ചെയ്യലിൽ ഇയാൾ ആക്രമണത്തിന് കാരണം എന്താണെന്ന് വ്യക്തമാക്കിയിട്ടില്ല.
Discussion about this post