ന്യൂഡല്‍ഹി : ഡല്‍ഹിയിലെ വിവിധ പ്രദേശങ്ങളില്‍ ഇന്നലെ രാത്രി പെയ്ത മഴയോടെ കാലാവസ്ഥയില്‍ നേരിയ പുരോഗതി. മഴ പെയ്തതോടെ വായു മലിനീകരണത്തില്‍ അല്‍പം കുറവ് വന്നതായി റിപ്പോര്‍ട്ടുകള്‍ സൂചിപ്പിക്കുന്നു.
ഡല്‍ഹി, നോയിഡ, ഗുരുഗ്രാം എന്നീ മേഖലകളിലടക്കം രാത്രിയില്‍ നേരിയ മഴ ലഭിച്ചിരുന്നു. ഇതോടെയാണ് വായു ഗുണനിലവാരത്തില്‍ പുരോഗതി കാണുന്നത്. ഇതോടെ ഡല്‍ഹിയിലൂടനീടം സ്ഥാപിച്ചിരിക്കുന്ന നിരവധി എയര്‍ മോണിറ്ററിംഗ് സ്‌റ്റേഷനുകളില്‍ വായു മലിനീകരണ തോത് 100 എ ക്യു വില്‍ താഴെയെത്തി.
നഗരത്തിലെ രൂക്ഷമായ അന്തരീക്ഷ മലിനീകരണം തടയുന്നതിനായി ഡല്‍ഹിയില്‍ ക്ലൗഡ് സീഡിംഗ് വഴി കൃത്രിമ മഴ പെയ്യിക്കാനുള്ള തയ്യാറെടുപ്പിലാണ് ഡല്‍ഹി സര്‍ക്കാര്‍. 13 കോടി രൂപ ചിലവിലാണ് ഇത് നടപ്പിലാക്കുന്നത്. നവംബര്‍ 20, 21 തീയതികളില്‍ രണ്ട് ഘട്ടങ്ങളിലായി കൃത്രിമ മഴ പെയ്യിക്കാനാണ് സര്‍ക്കാരിന്റെ നീക്കം.
അതിനിടെയാണ് ഇന്നലെ തലസ്ഥാന നഗരിയില്‍ മഴ പെയ്തതും വായു ഗുണ നിലവാരം മെച്ചപ്പെട്ടതും. ഇന്നും നേരിയ മഴയ്ക്ക് സാധ്യതയുണ്ടെന്ന് കാലാവസ്ഥാ നിരീക്ഷണ വകുപ്പ് വ്യക്തമാക്കുന്നു.
Discussion about this post