ഡർബൻ : ദക്ഷിണാഫ്രിക്കയിൽ നടക്കുന്ന ഇന്ത്യ-ദക്ഷിണാഫ്രിക്ക ടി20 ടൂർണമെന്റിലെ ആദ്യ മത്സരം മഴ മൂലം ഉപേക്ഷിച്ചു. മൂന്ന് മത്സരങ്ങൾ ഉള്ള പരമ്പരയിലെ ആദ്യ മത്സരമായിരുന്നു ഇന്ന് ഡർബനിൽ തീരുമാനിച്ചിരുന്നത്. എന്നാൽ ശക്തമായ മഴ തുടർന്നതിനാൽ ടോസ് ഇടാൻ പോലും കഴിയാതെ മത്സരം ഉപേക്ഷിക്കുകയായിരുന്നു.
കനത്ത മഴ മൂലം താരങ്ങൾക്ക് ഡ്രസ്സിങ് റൂമിൽ നിന്നും പുറത്തിറങ്ങാൻ പോലും കഴിയാത്ത അവസ്ഥയായിരുന്നു ഇന്ന് ഡർബനിൽ കണ്ടത്. ശക്തമായ മഴ ഉണ്ടാകുമെന്ന് നേരത്തെ തന്നെ കാലാവസ്ഥ പ്രവചനം ഉണ്ടായിരുന്നതായി റിപ്പോർട്ടുകൾ സൂചിപ്പിക്കുന്നു. മഴ നിർത്താതെ വന്നതോടെയാണ് മത്സരം ഉപേക്ഷിക്കാം എന്ന തീരുമാനത്തിൽ എത്തിയത്.
പരമ്പരയിലെ രണ്ടാമത്തെ മത്സരം ചൊവ്വാഴ്ചയാണ് നടക്കുക.
Discussion about this post