പത്തനംതിട്ട : മണ്ഡലകാലം ഇന്ന് അവസാനിക്കാനിരിക്കെ ശബരിമലയിൽ റെക്കോർഡ് സൃഷ്ടിച്ച് വരുമാനം. കാണിക്ക ഇനിയും എണ്ണാന് ബാക്കിനില്ക്കേയാണ് വരുമാനത്തിൽ റെക്കോർഡ് സൃഷ്ടിച്ചിട്ടുള്ളത്. നിലവിൽ ലഭ്യമായ കണക്കനുസരിച്ച് ശബരിമലയിലെ ഈ മണ്ഡലകാലത്തെ വരുമാനം 241.71 കോടി രൂപയാണ്.
കഴിഞ്ഞവർഷത്തെ മണ്ഡലകാലത്തെ അപേക്ഷിച്ച് 18.72 കോടിയുടെ വര്ദ്ധനവാണ് ഈ വർഷം ശബരിമലയിലെ വരുമാനത്തിൽ ഉണ്ടായിട്ടുള്ളത്. കഴിഞ്ഞ നാല്പ്പത്തിയൊന്നുദിവസം നീണ്ടുനിന്ന ശബരില മണ്ഡലകാല തീര്ഥാടനത്തിന് ഇന്ന് പരിസമാപ്തിയാകും. ഇന്നത്തെ മണ്ഡല പൂജയ്ക്ക് ശേഷം ഹരിവരാസനം പാടി നടയടയ്ക്കുന്നതോടെ മണ്ഡലകാല പൂജാ ചടങ്ങുകൾ അവസാനിക്കും.
തുടർന്ന് ഡിസംബർ 30ന് മകരവിളക്ക് മഹോത്സവ ചടങ്ങുകൾക്കായി ശബരിമല നട തുറക്കുന്നതാണ്. 2024 ജനുവരി 15ന് ആണ് മകരവിളക്ക്. തീർത്ഥാടകർക്ക് ഏറെ ദുരിതങ്ങൾ അനുഭവിക്കേണ്ടിവന്ന ഒരു മണ്ഡലകാലത്തിനാണ് ഇന്ന് രാത്രിയോടെ പരിസമാപ്തിയാവുന്നത്.
Discussion about this post