ദാവോസ്: ലോക സാമ്പത്തിക ഫോറത്തിൽ കഴിഞ്ഞ പത്ത് വര്ഷം കൊണ്ട് ഇന്ത്യക്ക് വന്ന വലിയ മാറ്റത്തെ കുറിച്ച് വാചാലനായി ഭാരതി എയർടെൽ സ്ഥാപകൻ സുനിൽ മിത്തൽ.
“കഴിഞ്ഞ 10 വർഷങ്ങളിൽ , മോദിയുടെ കീഴിൽ ബി ജെ പി ഭരിച്ച കാലഘട്ടത്തിൽ , അഭൂതപൂർവ്വമായ മാറ്റങ്ങൾക്കാണ് ഭാരതം സാക്ഷ്യം വഹിച്ചത്. നിക്ഷേപകർക്കും ബിസിനസ് സമൂഹത്തിനും ആഭ്യന്തരമോ അന്തർദേശീയമോ ആയ തുടർച്ച വളരെ പ്രധാനമാണ്. പരിഷ്കരണത്തിന്റെ തുടർച്ച, അടിസ്ഥാന സൗകര്യങ്ങളിലുള്ള നിക്ഷേപങ്ങളുടെ തുടർച്ച, ബിസിനസ്സ് ചെയ്യാനുള്ള സൗകര്യത്തിലുള്ള തുടർച്ച, ഇത്തരത്തിലുള്ള എല്ലാ മാനകങ്ങളിലും അഭൂതപൂർവ്വമായ പ്രകടനമാണ് കഴിഞ്ഞ 10 വർഷമായി നടന്നു കൊണ്ടിരിക്കുന്നത് മാത്രമല്ല അത് ഓരോ വർഷവും വർദ്ധിച്ചു കൊണ്ടിരിക്കുകയും ചെയ്യുന്നു സുനിൽ മിത്തൽ പറഞ്ഞു
എന്നാൽ എല്ലാത്തിലും ഉപരിയായി, ഇന്ന് ഇന്ത്യ പ്രകടിപ്പിക്കുന്ന ഉയർന്ന ആർജ്ജവവും ശുഭാപ്തി വിശ്വാസവും മുൻ ദശകങ്ങളിൽ ദൃശ്യമാകാത്തതാണെന്നും അതാണ് ഏറ്റവും മികച്ചതെന്നും അദ്ദേഹം കൂട്ടിച്ചേർത്തു. അടിസ്ഥാന സൗകര്യ വികസനവും സാമ്പത്തിക വികസനവും ത്വരിതപ്പെടുത്തുന്നതിലേക്ക് തുടർച്ചയും ശക്തമായ മുന്നേറ്റവും ഇനിയും ഉണ്ടാകട്ടെയെന്നും അതിനു വേണ്ടി മൂനാം തവണയും മോദി ഭരണത്തിൽ വരേണ്ടത് ആവശ്യമാണെന്നും അദ്ദേഹം പറഞ്ഞു.
നിങ്ങൾക്ക് കാണാൻ കഴിയുന്നത് പോലെ , ഞങ്ങൾ ഇനി ഇന്ത്യയെ മറ്റ് രാജ്യങ്ങൾക്ക് മുന്നിൽ മാർക്കറ്റ് ചെയ്യേണ്ടതില്ല . ആളുകൾ അവരുടെ ശ്രദ്ധ ഇന്ത്യയിലേക്ക് കൊടുത്തിരിക്കുകയാണ് , അവർ നമ്മളിലേക്ക് ആകര്ഷിക്കപ്പെട്ടിരിക്കുന്നു , ആളുകൾ ഇന്ത്യയിലെ ബിസിനസിനെക്കുറിച്ച് സംസാരിക്കാൻ ആഗ്രഹിക്കുന്നു – ഞങ്ങൾ എങ്ങനെ നിക്ഷേപിക്കണം? എവിടെ നിക്ഷേപിക്കണം? ഞങ്ങൾ ചെയ്യേണ്ടത് എന്താണ് എന്നൊക്കെയാണ് അവരുടെ ചോദ്യങ്ങൾ
ഇതൊക്കെ കാണുമ്പോൾ വരാനിരിക്കുന്ന തിരഞ്ഞെടുപ്പിൽ ആര് ജയിക്കും എന്ന് ആൾക്കാർക്ക് കൃത്യമായ ധാരണ ഉണ്ടെന്നാണ് നമ്മൾ മനസിലാക്കുന്നത്
Discussion about this post