ന്യൂയോർക്ക് : ജോർദാനിൽ ഡ്രോൺ ആക്രമണത്തിൽ മൂന്ന് യുഎസ് സൈനികർ കൊല്ലപ്പെട്ടതായി യുഎസ് ഭരണകൂടം സ്ഥിരീകരിച്ചു. ഇറാൻ പിന്തുണയിൽ പ്രവർത്തിക്കുന്ന തീവ്രവാദസംഘം നടത്തിയ ഡ്രോൺ ആക്രമണത്തെ തുടർന്നാണ് ജോർദാനിൽ വച്ച് മൂന്ന് യുഎസ് സൈനികർ കൊല്ലപ്പെട്ടത്.
സിറിയൻ അതിർത്തിക്കടുത്തുള്ള ടവർ 22ലെ യുഎസ് മിലിട്ടറി ഔട്ട് പോസ്റ്റിന് നേരെയാണ് ഡ്രോൺ ആക്രമണം ഉണ്ടായത്. ആക്രമണത്തെത്തുടർന്ന് 25 ഓളം സൈനികർക്ക് പരിക്കേൽക്കുകയും ചെയ്തിട്ടുണ്ട്. ഇറാൻ പിന്തുണയിൽ പ്രവർത്തിക്കുന്ന തീവ്രവാദ ഗ്രൂപ്പ് സിറിയയിൽ നിന്നുമാണ് ആക്രമണം നടത്തിയത് എന്ന് യുഎസ് ഭരണകൂടം അറിയിച്ചു.
ഡ്രോണാക്രമണത്തിൽ മരണപ്പെട്ടവർക്ക് അമേരിക്കൻ പ്രസിഡണ്ട് ജോ ബൈഡൻ അനുശോചനങ്ങൾ അറിയിച്ചു. ഇറാൻ പിന്തുണയോടെ സിറിയയിലും ഇറാഖിലും പ്രവർത്തിക്കുന്ന തീവ്രവാദ ഗ്രൂപ്പുകൾ ആണ് ഇത്തരം ആക്രമണങ്ങൾ നടത്തുന്നതെന്ന് തങ്ങൾക്ക് അറിയാം എന്നും ബൈഡൻ വ്യക്തമാക്കി. ആക്രമണത്തിന് ഉത്തരവാദികളായവർക്ക് നേരെ കടുത്ത നടപടി തന്നെ ഉണ്ടാകും എന്നും ജോ ബൈഡൻ അറിയിച്ചു.
Discussion about this post