ഗാങ്ടോക്ക്: പാൽ ടാങ്കർ ഒന്നിലധികം കാറുകളിൽ ഇടിച്ച് മൂന്ന് പേർ മരിച്ചു. 20 പേർക്ക് പരിക്കേൽക്കുകയും ചെയ്തു. സിക്കിമിലെ ഗാങ്ടോക്കിലാണ് സംഭവം. റാണിപൂളിൽ മേള നടക്കുന്ന സ്ഥലത്തേക്കാണ് ടാങ്കർ നിയന്ത്രണം വിട്ട് പാഞ്ഞ് കയറിയത്.
ഇന്നലെയാണ് അപകടം ഉണ്ടായത്. മേള നടക്കുന്ന സ്ഥലത്ത് കാറുകൾ നിർത്തിയിട്ടിരിക്കുകയായിരുന്നു. പാൽ ടാങ്കറിന്റെ ബ്രേക്ക് തകരാറിലായി കാറുകളിൽ വന്ന് ഇടിക്കുകയായിരുന്നു. കൂട്ടിയിടിയുടെ ശക്തിയിൽ കാറുകൾ മേളയുടെ ഉള്ളിലേക്ക് പാഞ്ഞു കയറി. പ്രദേശത്ത് തടിച്ചുകൂടിയ നിരവധി ആളുകൾ വാഹനങ്ങൾക്കടിയിൽപ്പെടുകയും ചെയ്തു. ആളുകൾ ഓടിയെത്തി കാറിനുള്ളിൽ പെട്ടവരെ പുറത്തെടുക്കാൻ ശ്രമിച്ചെങ്കിലും സംഭവ സ്ഥലത്ത് വച്ച് തന്നെ മൂന്ന് പേർ മരിക്കുകയായിരുന്നു.
പരിക്കേറ്റവരെ സെൻട്രൽ റഫറൽ ആശുപത്രിയിൽ പ്രവേശിപ്പിച്ചു. മരണസംഖ്യ ഇനിയും ഉയരാൻ സാധ്യതയുണ്ടെന്നാണ് വിവരം. അപകടസമയത്ത് മൈതാനം ആളുകളെക്കൊണ്ട് നിറഞ്ഞിരുന്നു. അതുകൊണ്ടാണ് നിരവധി പേർക്ക് പരിക്ക് ഏറ്റത് എന്ന് പോലീസ് പറഞ്ഞു.
Discussion about this post