ഖജനാവിന് വലിയ ചിലവ് ഉണ്ടാക്കുന്നു ; ‘നാർക്കോട്ടിക് കൺട്രോൾ മന്ത്രാലയം’ അടച്ചു പൂട്ടാനൊരുങ്ങി പാകിസ്താൻ

ഇസ്ലാമാബാദ് : പാകിസ്താനിലെ ‘നാർക്കോട്ടിക് കൺട്രോൾ മന്ത്രാലയം’ അടച്ചു പൂട്ടാൻ ഒരുങ്ങി സർക്കാർ. ഖജനാവിന് ഭാരം താങ്ങാൻ കഴിയാത്തതിനാലാണ് നാർക്കോട്ടിക് കൺട്രോൾ മന്ത്രാലയത്തിന്റെ പ്രവർത്തനം അവസാനിപ്പിക്കുന്നത്. പാകിസ്താൻ ആഭ്യന്തര മന്ത്രി മൊഹ്‌സിൻ നഖ്‌വി ആണ് നാrക്കോട്ടിക് കൺട്രോൾ മന്ത്രാലയം പ്രവർത്തനം അവസാനിപ്പിക്കുന്നതായി പ്രഖ്യാപിച്ചത്.

ദേശീയ ഖജനാവിലെ അനാവശ്യ ഭാരം ഒഴിവാക്കുന്നു എന്നാണ് ഇക്കാര്യത്തെക്കുറിച്ച് ആഭ്യന്തര മന്ത്രി വ്യക്തമാക്കിയത്. ഈ മന്ത്രാലയത്തിന്റെ പ്രവർത്തനങ്ങൾ ആഭ്യന്തര മന്ത്രാലയവുമായി സംയോജിപ്പിക്കുമെന്നും മൊഹ്‌സിൻ നഖ്‌വി വ്യക്തമാക്കി. ഭാവി തലമുറയുടെ ഭാവി സുരക്ഷിതമാക്കാൻ ലഹരി നിർമാർജനം കാലഘട്ടത്തിൻ്റെ ആവശ്യമാണെന്നും അതിനായി ലഹരിയിൽ നിന്ന് മുക്തി നേടാൻ സർക്കാർ എല്ലാ വിഭവങ്ങളും ഉപയോഗിക്കുമെന്നും മന്ത്രി സൂചിപ്പിച്ചു.