ന്യൂഡൽഹി : സ്ഥാനാർത്ഥി പ്രഖ്യാപനത്തിന്റെ ആരംഭ ഘട്ടം മുതൽ ഇൻഡി സഖ്യത്തിൽ പല ആസ്വാരസ്യങ്ങളും ഉണ്ടാകുന്നുണ്ട്. ഇപ്പോഴിതാ മൂന്ന് സംസ്ഥാനങ്ങളിൽ കോൺഗ്രസിനോട് ഇടഞ്ഞിരിക്കുകയാണ് സഖ്യകക്ഷിയായ സിപിഐ. മൂന്ന് സംസ്ഥാനങ്ങളിൽ സിപിഐ സ്വന്തമായി സ്ഥാനാർത്ഥികളെ പ്രഖ്യാപിച്ചു.
മധ്യപ്രദേശ്, ഛത്തീസ്ഗഡ്, ബീഹാർ എന്നിവിടങ്ങളിലാണ് സിപിഐ ഇൻഡി സഖ്യവുമായി കൊമ്പുകോർത്ത് സ്വന്തമായി സ്ഥാനാർത്ഥികളെ പ്രഖ്യാപിച്ചിട്ടുള്ളത്. ബിജെപിയും കോൺഗ്രസും തമ്മിൽ നേരിട്ട് ഏറ്റുമുട്ടുന്ന പ്രമുഖ മണ്ഡലങ്ങളിൽ ആണ് സിപിഐ സ്വന്തം സ്ഥാനാർത്ഥികളെയും തിരഞ്ഞെടുപ്പിനായി ഇറക്കിയിരിക്കുന്നത്.
മധ്യപ്രദേശിലെ രണ്ടു സീറ്റുകളിലും ഛത്തീസ്ഗഡിലും ബീഹാറിലും ഓരോ സീറ്റുകളിലും ആണ് സിപിഐ സ്ഥാനാർത്ഥികളെ പ്രഖ്യാപിച്ചിട്ടുള്ളത്. മധ്യപ്രദേശിലെ സിദ്ധിയിൽ കോൺഗ്രസ് നേരത്തെ സ്ഥാനാർഥിയെ പ്രഖ്യാപിച്ചിരുന്നു. ഇപ്പോൾ സിപിഐയും ഇവിടെ സ്ഥാനാർത്ഥിയെ പ്രഖ്യാപിച്ചിട്ടുണ്ട്. മറ്റൊരു മണ്ഡലമായ ശഡോലിലും സിപിഐ സ്വന്തമായി മത്സരിക്കും.
Discussion about this post