ഫഹദ് ഫാസിൽ നായകനായ ആവേശം സിനിമ വൻ ഹിറ്റായി മാറിയിരിക്കുകയാണ്. ചിത്രം 112 കോടി ക്ലബിൽ ഇടംനേടിയാതായി റിപ്പോർട്ട്. ആവേശത്തിന്റെ കേരള കളക്ഷൻ കണക്കുകളിലും സുവർണ നേട്ടത്തിൽ എത്തിയതായാണ് വിവരം .
കേരളത്തിൽ നിന്ന് മാത്രം 50 കോടി രൂപയിൽ അധികം നേടി എന്നും ബോക്സ് ഓഫീസ് റിപ്പോർട്ടുകളുണ്ടായിരുന്നു. ഫഹദിന്റെ മികച്ച പ്രകടനം തന്നെയാണ് ആവേശത്തിന്റെ പ്രധാന ഒരു ആകർഷണം. രംഗ എന്ന വേറിട്ട ഒരു കഥാപാത്രമായിട്ടാണ് നായകൻ ഫഹദ് ആവേശത്തിൽ എത്തിയിരിക്കുന്നത്. ചിത്രത്തിൽ ഉടനീളം നിറഞ്ഞാടുകയാണ് ഫഹദ് . ആഗോളതലത്തിലും സിനിമ മികച്ച കളക്ഷനോടെയാണ് മുന്നേറുന്നത്.
രോമാഞ്ചം എന്ന സൂപ്പർ ഹിറ്റ് ചിത്രത്തിന് ശേഷം ജീത്തു മാധവൻ സംവിധാനം ചെയ്യുന്ന ചിത്രമെന്ന നിലയിൽ ശ്രദ്ധിക്കപ്പെട്ട പടമാണ് ആവേശം. ഫഹദ് ഫാസിൽ നായകനായി എത്തുന്ന ചിത്രം ഒരുകൂട്ടം കോളേജ് പിള്ളേരും അവരെ സഹായിക്കാനെത്തുന്ന ഗുണ്ടയുടെയും കഥയാണ് പറയുന്നത്.
Discussion about this post