ന്യൂഡൽഹി : മുൻ പ്രധാനമന്ത്രി പിവി നരസിംഹ റാവുവിന്റെ കുടുംബവുമായി കൂടികാഴ്ച നടത്തി പ്രധാനമന്ത്രി നരേന്ദ്രമോദി. കഴിഞ്ഞ ദിവസമാണ് ഹൈദരാബാദിൽ വച്ച് കൂടികാഴ്ച നടത്തിയത്. നരസിംഹ റാവുവിന് ഭാരതരത്ന പുരസ്കാരം നൽകിയതിന് പ്രധാനമന്ത്രിയോട് കുടുംബം നന്ദി അറിയിക്കുകയും ചെയ്തു.
മാർച്ച് 30 നാണ് രാഷ്ട്രപതി ദ്രൗപതി മുർമു ഭാരതര്തന പുരസ്കാരം സമ്മാനിച്ചത്. മുൻ പ്രധാനമന്ത്രി ചൗധരി ചരൺ സിംഗ് , ബീഹാർ മുൻ പ്രധാനമന്ത്രിമാരായ കർപ്പൂരി ഠാക്കൂർ , കാർഷിക ശാസ്ത്രജ്ഞൻ എംഎസ് സ്വാമിനാഥൻ എന്നിവർക്കുമാണ് മരണാനന്തര ബഹുമതിയായി ഭാരതരത്ന പുരസ്കാരം നൽകി ആദരിച്ചത്.
നരസിംഹ റാവു വിവിധ തലങ്ങളിൽ ഇന്ത്യയെ വിപുലമായി സേവിച്ചു. അദ്ദേഹത്തിന് പുരസ്കാരം നൽകി ആദരിച്ചതിൽ വളരെ യധികം സന്തോഷമുണ്ട്. അദ്ദേഹം ചെയ്ത പ്രവർത്തികളാൽ അദ്ദേഹത്തെ ഇന്നും ജനങ്ങൾ സ്മരിക്കുന്നു. ആന്ധ്രാപ്രദേശ് മുഖ്യമന്ത്രി , കേന്ദ്രമന്ത്രി , എന്നിങ്ങനെ വർഷങ്ങളോളം പാർലമെന്റ് , നിയമസഭാംഗം എന്നീ നിലകളിൽ അദ്ദേഹം പ്രവർത്തിച്ചു. ദീർഘവീക്ഷണമുള്ള നേതൃത്വം കൊണ്ട് അദ്ദേഹം ഇന്ത്യയെ സാമ്പത്തികമായി മുന്നേറുന്നതിനും രാജ്യത്തിന്റെ അഭിവൃദ്ധിക്കും വളർച്ചയ്ക്കും ശക്തമായ അടിത്തറ പാക്കുന്നതിൽ നിർണായക പങ്കുവഹിച്ചു എന്നും പ്രധാനമന്ത്രി കൂട്ടിച്ചേർത്തു .
Discussion about this post