ന്യൂഡൽഹി: കൂടുതൽ സ്റ്റേഷനുകളിൽ ജൻഔഷധി സ്റ്റോറുകൾ സ്ഥാപിക്കാനുള്ള തീരുമാനവുമായി ഇന്ത്യൻ റെയിൽവേ. പൊതുജനങ്ങളുടെ ആരോഗ്യസംരക്ഷണം കണക്കിലെടുത്താണ് നടപടി. 100 സ്റ്റേഷനുകളിൽ കൂടിയാകും പുതിയ ജൻഔഷധി സ്റ്റോറുകൾ സ്ഥാപിക്കുക.
നിലവിൽ രാജ്യത്തെ വിവിധ റെയിൽവേ സ്റ്റേഷനുകളിലായി 50 ഓളം ജൻഔഷധി സ്റ്റോറുകൾ പ്രവർത്തിക്കുന്നത്. ഇത് യാത്രികർക്ക് വളരെ ഉപകരപ്രദമാണെന്ന് ചുരുങ്ങിയ കാലയളവിൽ തന്നെ വ്യക്തമായി. ഇതോടെയാണ് കൂടുതൽ സ്റ്റേഷനുകളിൽ ജൻഔഷധി സ്റ്റോറുകൾ സ്ഥാപിക്കാൻ തീരുമാനിച്ചത്. സ്റ്റേഷനിലേക്ക് വരുന്നുവർക്കും പോകുന്നവർക്കും ഒരുപോലെ എത്തിപ്പെടാൻ കഴിയുന്ന സ്ഥലത്ത് ആകും സ്റ്റോറുകളുടെ സ്ഥാനം. 12.53 ലക്ഷം രൂപ ചിലവിട്ടാണ് ഓരോ സ്‌റ്റോറുകളും സ്ഥാപിക്കുന്നത്.
റെയിൽവേ ഡിവിഷനുകളുമായി സഹകരിച്ച് ഇ ലേലം വഴിയാകും സ്റ്റോറുകൾ കൈമാറുക. നടത്തിപ്പുകാർക്ക് സർക്കാർ അനുശാസിക്കുന്ന ലൈസൻസുകൾ ഉണ്ടായിരിക്കണം. പ്രധാനമന്ത്രി ഭാരതീയ ജൻ ഔഷധിയുടെ നോഡൽ ഏജൻസികളുമായി നടത്തിപ്പുകാർ കരാറിൽ ഏർപ്പെടണം.
തീവണ്ടി യാത്രികരായ കോടിക്കണക്കിന് ആളുകൾക്ക് ന്യായമായ വിലയിൽ ഗുണമേന്മയേറിയ മരുന്നുകൾ എത്തിക്കുകയാണ് റെയിൽവേ ്‌സറ്റേഷനിൽ ജൻ ഔഷധി കേന്ദ്രങ്ങൾ സ്ഥാപിക്കുന്നതിലൂടെ ലക്ഷ്യമിടുന്നത് എന്ന് മുതിർന്ന റെയിൽവേ ഉദ്യോഗസ്ഥൻ അറിയിച്ചു. യാത്രികർക്ക് വളരെ എളുപ്പത്തിൽ മരുന്നുകൾ ലഭിക്കുന്നതിനും ഇത് ഉപകരിക്കും. എല്ലാ വിഭാഗം ജനങ്ങൾക്കും ഒരു പോലെ ഗുണമേന്മയുള്ള മരുന്നുകൾ ലഭ്യമാക്കുകയാണ് ജൻഔഷധി സ്റ്റോറുകൾ വഴി കേന്ദ്രസർക്കാർ ചെയ്യുന്നത്. ഇതിന് പുറമേ ആളുകൾക്ക് തൊഴിൽ ലഭ്യമാക്കുകയും ലക്ഷ്യമാണ്.
കഴിഞ്ഞ വർഷം ഓഗസ്റ്റിൽ ആയിരുന്നു സ്റ്റേഷനുകളിൽ ജൻഔഷധി സ്റ്റോറുകൾ സ്ഥാപിക്കാൻ റെയിൽവേ തീരുമാനിച്ചത്. പരീക്ഷണാടിസ്ഥാനത്തിൽ ആയിരുന്നു 50 സ്റ്റോറുകൾ ആരംഭിച്ചത്.
Discussion about this post