ന്യൂഡൽഹി: കോൺഗ്രസ് നേതാവ് രാഹുൽ ഗാന്ധിയുടെ വിവാഹക്കാര്യം വാർത്തകളിൽ ഇടം നേടിയിട്ടുണ്ട്. അടുത്തിടെ പൊതുറാലിയിൽ പ്രവർത്തകരുടെ ഇടയിൽ നിന്നും ഉയർന്നു കേട്ട എപ്പോഴാണ് കല്യാണമെന്ന ചോദ്യവും രാഹുലിന്റെ ഉത്തരവുമാണ് ഇപ്പോൾ കല്യാണക്കാര്യം വീണ്ടും ചർച്ചയാകാൻ കാരണം. ഇപ്പോൾ സഹോദരന്റെ വിവാഹത്തെ കുറിച്ച് പ്രതികരിച്ചിരിക്കുകയാണ് പ്രിയങ്ക വാദ്ര.
‘ഒരു സഹോദരിയെന്ന നിലയിൽ എന്റെ സഹോദരൻ എന്നും സന്തോഷവാനായിരിക്കണമെന്നാണ് എന്റെ ആഗ്രഹം. അവൻ വിവാഹിതനാവാനും അവൻ ഒരു പിതാവായി കാണാനും ഞാൻ ഏറെ ആഗ്രഹിക്കുന്നു’- പ്രിയങ്ക പറഞ്ഞു.
ഇൻഡി മന്നണി അധികാരത്തിൽ വന്നാൽ, ഇൻഡി മുന്നണിയാണ് രാഹുൽ ഗാന്ധി പ്രധാനമന്ത്രിയാകുമോ എന്നത് തീരുമാനിക്കുക എന്നും പ്രിയങ്ക പറഞ്ഞു. കഴിഞ്ഞ 15 ദിവസങ്ങളായി താനും രാഹുലും മണ്ഡലത്തിൽ കഠിനാധ്വാനം ചെയ്യുകയാണ്. മണ്ഡലത്തിലെ ആളുകളുമായി തങ്ങൾക്കുള്ളത് കുടുംബ ബന്ധമാണ്. ഇവിടെ തങ്ങൾ ഉണ്ടാകണമെന്ന് തന്നെയാണ് ജനങ്ങളും പ്രതീക്ഷിക്കുന്നതെന്നും അവർ കൂട്ടിച്ചേർത്തു.
Discussion about this post