ചണ്ഡീഗഡ് :പഞ്ചാബിൽ പ്രധാനമന്ത്രി നരേന്ദ്ര മോദിക്കെതിരെ ഖാലിസ്ഥാൻവാദികളുടെ ചുവരെഴുത്ത് . മോദിയുടെ തിരഞ്ഞെടുപ്പ് പ്രചാരണ റാലി നടക്കാനിരിക്കെയാണ് അദ്ദേഹത്തിനെതിരെ ചുവരെഴുത്ത് ദൃശ്യമായത്. ഇതേ തുടർന്ന് വൻ സുരക്ഷയാണ് പോലീസ് ഒരുക്കിയിരിക്കുന്നത്.
നാളെയാണ് പ്രധാനമന്ത്രിയുടെ തിരഞ്ഞെടുപ്പ് റാലി സംഘടിപ്പിച്ചിരിക്കുന്നത്. പട്യാലയിലാണ് റാലി. ഇതിനിടെയാണ് പട്യാലയിലെ പാലങ്ങളിൽ ചുവരെഴുത്ത് പ്രത്യക്ഷപ്പെട്ടത്. ചുവരെഴുത്ത് മായ്ക്കാനുള്ള നടപടികൾ പോലീസ് ആരംഭിച്ചു.
നേരത്തെയും രാജ്യത്തിന്റെ വിവിധ ഭാഗങ്ങളിൽ പ്രധാനമന്ത്രിക്കെതിരെ ഖാലിസ്ഥാൻവാദികളുടെ ചുവരെഴുത്തുകൾ പ്രത്യക്ഷപ്പെട്ടിരുന്നു. ജി 20 സമ്മേളനത്തിനു മുന്നോടിയായി ഡൽഹിയിലെ മെട്രോ സ്റ്റേഷനുകളിൽ സമാനമായ രീതിയിൽ ചുവരെഴുത്തുകൾ ഖാലിസ്ഥാൻ വാദികൾ നടത്തിയിരുന്നു.
Discussion about this post