ലഖ്നൗ : ആർഎസ്എസ് സർസംഘചാലക് മോഹൻ ഭാഗവതുമായി കൂടിക്കാഴ്ച നടത്തി ഉത്തർപ്രദേശ് മുഖ്യമന്ത്രി യോഗി ആദിത്യനാഥ്. ഗോരഖ്പൂരിൽ വെച്ചാണ് മോഹൻ ഭാഗവതും യോഗി ആദിത്യനാഥും തമ്മിൽ കൂടിക്കാഴ്ച നടത്തിയത്.
ഉത്തർപ്രദേശിലെ തിരഞ്ഞെടുപ്പ് ഫലത്തിന് ശേഷമുള്ള ഈ കൂടിക്കാഴ്ചയെ വളരെ പ്രാധാന്യത്തോടെയാണ് സംഘപരിവാർ കണക്കാക്കുന്നത്.
ചിയുന്തഹയിലെ എസ്വിഎം പബ്ലിക് സ്കൂളിൽ നടന്നുകൊണ്ടിരിക്കുന്ന രാഷ്ട്രീയ സ്വയംസേവക സംഘത്തിന്റെ തൊഴിലാളി വികസന സമ്മേളന യോഗത്തിൽ പങ്കെടുക്കാൻ ആയാണ് സർസംഘചാലക് മോഹൻ ഭാഗവത് ഗോരഖ്പൂരിൽ എത്തിയിട്ടുള്ളത്. സംഘത്തിന്റെ വിപുലീകരണത്തിനായി കാര്യക്ഷമമായി പ്രവർത്തിക്കണമെന്ന് ശ്രീ മോഹൻ ഭാഗവത് യോഗത്തിൽ ആവശ്യപ്പെട്ടു.
“ഗ്രാമങ്ങളും നഗരങ്ങളും എന്ന വ്യത്യാസം ഇല്ലാതെ എല്ലാ ജനവിഭാഗങ്ങളെയും രാഷ്ട്രീയ സ്വയംസേവക സംഘത്തിലേക്ക് ആകർഷിക്കാൻ കഴിയണം. എല്ലാ തെരുവുകളിലേക്കും എത്താൻ ശ്രമിക്കുക. നിങ്ങളുടെ പൂർണ്ണശേഷിയോടെ പ്രവർത്തിക്കുക. രാഷ്ട്രത്തിൻ്റെയും സമൂഹത്തിൻ്റെയും ഉന്നമനവും സുരക്ഷയുമാണ് സംഘത്തിൻ്റെ ലക്ഷ്യം, ഈ ദിശയിൽ തികഞ്ഞ സത്യസന്ധതയോടെ പ്രവർത്തിക്കുക. രാജ്യത്തിൻ്റെയും സമൂഹത്തിൻ്റെയും വികസനത്തിന് ഊന്നൽ നൽകുക. സംഘടനയുടെ കർമപദ്ധതികൾ നടപ്പാക്കുന്നതിനുള്ള പ്രതിബദ്ധത ഓരോ സന്നദ്ധപ്രവർത്തകനിലും ദൃശ്യമാകണം” എന്നും ശ്രീ മോഹൻ ഭാഗവത് ഗോരഖ്പൂരിൽ നടന്ന സമ്മേളനത്തിൽ വ്യക്തമാക്കി.
