ഡല്‍ഹി: ഇന്ത്യ ജനാധിപത്യ രാജ്യമാണെന്നും ജനങ്ങള്‍ക്ക് ഇഷ്ടമുള്ളത് ഭക്ഷിക്കാന്‍ അനുവദിക്കണമെന്നും സാമ്പത്തിക നയ രൂപീകരണത്തില്‍ പ്രധാനമന്ത്രിക്ക് ഉപദേശം നല്‍കുന്ന നീതി ആയോഗിന്റെ ചീഫ് എക്‌സിക്യൂട്ടീവ് ഓഫീസര്‍ അമിതാഭ് കാന്ത്.
എന്‍.ഡി.ടി.വിയ്ക്ക് നല്‍കിയ അഭിമുഖത്തിലാണ് അമിതാഭിന്റെ അഭിപ്രായ പ്രകടനം. ജനങ്ങള്‍ക്ക് ഇഷ്ടം ബീഫാണെങ്കില്‍ അത് കഴിക്കാന്‍ അവരെ അനുവദിക്കുകയാണ് വേണ്ടത്. ജനാധിപത്യത്തില്‍ അഭിപ്രായ സ്വാതന്ത്ര്യം പോലെ ഭക്ഷണം കഴിക്കാനുള്ള സ്വാതന്ത്ര്യവും നല്‍കണമെന്ന് അമിതാഭ് കാന്ത് പറഞ്ഞു.
ഞാന്‍ കേരള കേഡറില്‍ പെട്ട ഐ.എസുകാരനാണ്, കേരളത്തില്‍ എന്റെ അയല്‍വാസികളായിരുന്നത് ഒരു ബ്രാഹ്ണനും നായരുമായിരുന്നു. ഇരുവരും ബീഫ് കഴിക്കാറുണ്ടായിരുന്നുവെന്നും അമിതാഭ് കാന്ത് വ്യക്തമാക്കി. എല്ലാവര്‍ക്കും അവര്‍ക്ക് ഇഷ്ടമുള്ളത് സംസാരിക്കാന്‍ അനുവാദമുണ്ട്. അതേസമയം, ഇന്‍ക്രഡിബിള്‍ ഇന്ത്യയുടെ ബ്രാന്റ് അംബാസിഡറായിരിക്കെ അമീര്‍ ഖാന്‍ അത്തരത്തില്‍ പ്രസ്താവന നടത്താന്‍ പാടില്ലായിരുന്നുവെന്ന് അമിതാഭ് കാന്ത് സൂചിപ്പിച്ചു.
അമീര്‍ഖാന്റെ പ്രസ്താവനയെ അമിതാഭ് കാന്ത് നേരത്തെ വിമര്‍ശിച്ചിരുന്നു. അമിതാഭ് കാന്ത് കോഴിക്കോട് ജില്ലാ കലക്ടറായിരുന്നു.
Discussion about this post