മലപ്പുറത്ത് 15 ഉം 17 ഉം വയസുള്ള കുട്ടികൾ ആത്മഹത്യ ചെയ്തു; കടുംകൈ കഴിഞ്ഞ മാസത്തെ ആത്മഹത്യ ശ്രമത്തിൽ നിന്ന് രക്ഷിച്ചതിന് പിന്നാലെ

മലപ്പുറം; പ്രായപൂർത്തിയാകാത്ത രണ്ട് വനവാസി കുട്ടികളെ ആത്മഹത്യ ചെയ്ത നിലയിൽ കണ്ടെത്തി. മലപ്പുറം മൂത്തേടം തീക്കടി ആദിവാസി നഗറിലെ ശ്യാംജിത്ത് (17) കരുളായ് കൊയപ്പാൻ വളവിലെ ഗോപിക (15) എന്നിവരാണ് മരിച്ചത്.

കൽക്കുളം തീക്കടി നഗറിലെ വീട്ടിനകത്ത് ഇന്നലെ രാത്രിയാണ് ഇവരെ മരിച്ച നിലയിൽ കണ്ടത്. ഒരു കയറിൽ ഇരുവരും കെട്ടിത്തൂങ്ങിയ നിലയിലായിരുന്നു. കഴിഞ്ഞ മാസം ഇരുവരും വിഷം കഴിച്ച് ആത്മഹത്യയ്ക്ക് ശ്രമിച്ചിരുന്നു. സംഭവത്തിൽ പോലീസ് അന്വേഷണം ആരംഭിച്ചിട്ടുണ്ട്.