മുംബൈ; വിവാഹമോചന വാർത്തകൾക്കിടെ ബോളിവുഡ് താരദമ്പതികളായ ഐശ്വര്യറായിയും അഭിഷേക് ബച്ചനും തമ്മിൽ വഴക്കിടുന്ന വീഡിയോ വിമർശനത്തിനിടയാക്കുന്നു. മകളുടെ മുന്നിൽ വച്ച് ദമ്പതികൾ പരസ്യമായി വഴക്കിടുന്നതിനാണ് സോഷ്യൽമീഡിയയിൽ വിമർശനം ഉയരുന്നത്.
പിങ്ക് പാന്തേഴ്‌സിന്റെ കബഡി മത്സരത്തിനിടെയാണ് സംഭവം. അഭിഷേകിനും ഐശ്വര്യയ്ക്കും ഒപ്പം മകൾ ആരാധ്യയും അഭിഷേകിന്റെ സഹോദരിയുടെ മകൾ നവ്യയും ഗ്യാലറിയിൽ ഉണ്ട്. ഇതിനിടെയിലാണ് ഐശ്വര്യയും അഭിഷേകും വഴക്കിടുന്നത്. വഴക്കിനിടെ ഐശ്വര്യയുടെ കൈയ്യിൽ പിടിച്ച് അഭിഷേക് എന്തോ പറയുന്നതും അതിന്റെ അതൃപ്തിയും ഐശ്വര്യയുടെ മുഖത്ത് കാണാം.
നിരവധി പേരാണ് വിമർശനവുമായി രംഗത്തെത്തിയത്. ഇത് വീടല്ലെന്നും പൊതുവേദിയിലും മക്കൾക്ക് മുന്നിലും മാന്യമായി പെരുമാറണമെന്നും ആളുകൾ പറയുന്നു. എന്നാൽ അവരും മനുഷ്യരാണെന്നും ഭാര്യയും ഭർത്താവും തമ്മിൽ വഴക്കിടുന്നത് സർവ്വസാധാരണമാണെന്നും ആരാധകർ ചൂണ്ടിക്കാണിക്കുന്നു.
അതേസമയം വിവാഹമോചനവാർത്തകൾ ചർച്ച ചെയ്തിരുന്ന ആരാധകർ ഇപ്പോൾ ഒരുപടികൂടെ കടന്ന് ഇരുവരും വേർപിരിഞ്ഞാൽ അഭിഷേക് ഐശ്വര്യയ്ക്ക് എത്ര രൂപ ജീവനാംശം നൽകേണ്ടി വരുമെന്ന ചർച്ചകളിലേക്കെത്തി നിൽക്കുകയാണ്. അഭിഷേകിന് ആകെ 280 കോടി രൂപയുടെ ആസ്തിയാണ് ഉള്ളത്. പ്രതിമാസം 1.8 കോടി രൂപ നടൻ സമ്പാദിക്കുന്നുണ്ട്. വിവാഹമോചന നിയമങ്ങൾ അനുസരിച്ച്, വിവാഹമോചനത്തിൽ ഭർത്താവ് ഭാര്യക്ക് 25% ജീവനാംശം നൽകണം. ഈ സാഹചര്യത്തിൽ ഐശ്വര്യ റായിക്ക് അഭിഷേക് പ്രതിമാസം 45 ലക്ഷം രൂപ ജീവനാംശം നൽകേണ്ടി വരുമെന്നാണ് ആരാധകർ പറയുന്നത്.
എന്നാൽ അഭിഷേകിനേക്കാൾ ആസ്തിയുള്ള ആളാണ് ഐശ്വര്യ. ഐശ്വര്യ റായിയുടെ ആസ്തി 750 കോടി രൂപയിലധികമാണ് എന്നാണ് റിപ്പോർട്ടുകൾ. നടിക്ക് പലയിടങ്ങളിലും സ്വത്തുണ്ട്. ഒരു സിനിമയിൽ അഭിനയിക്കുന്നതിന് 12 കോടി രൂപയാണ് ഐശ്വര്യ വാങ്ങുന്ന പ്രതിഫലം. ഇതുകൂടാതെ, പരസ്യം, മോഡലിംഗ് എന്നിവയിലൂടെയും ഐശ്വര്യ കോടികൾ സമ്പാദിച്ചിട്ടുണ്ട്. നൂറുകോടി രൂപ വിലമതിക്കുന്ന ബംഗ്ലാവുകൾ ഐശ്വര്യക്കുണ്ട്. അഞ്ച് ബെഡ്‌റൂം വരുന്ന വലിയൊരു അപ്പാർട്ട്‌മെന്റുണ്ട്. ദുബായിലും ഒരു വീടുണ്ട്. ഇത്രയേറെ സ്വത്തുള്ള ഐശ്വര്യ നഷ്ടപരിഹാരം ചോദിക്കില്ലെന്നും ഒരു കൂട്ടർവാദിക്കുന്നു. അതേസമയം ഇരുവരും സന്തോഷത്തോടെ ജീവിക്കുകയാണെന്നും ദയവുചെയ്ത് തെറ്റായ കാര്യങ്ങൾ ചർച്ച ചെയ്യരുതെന്നും ഈ ചർച്ചകൾക്ക് നേരെ വിമർശനം ഉയരുന്നുണ്ട്
Discussion about this post