നിര്മ്മാണത്തിലുണ്ടായ തകരാറുകള് മൂലം ജര്മ്മന് വാഹന ബ്രാന്ഡായ ബിഎംഡബ്ല്യു എജി ചൈനയിലെ ഏഴ് ലക്ഷത്തോളം വാഹനങ്ങള് തിരിച്ചുവിളിക്കുകയാണ്. പ്രാദേശികമായി നിര്മ്മിച്ച 499,539 കാറുകളും 188,371 ഇറക്കുമതി ചെയ്ത വാഹനങ്ങളും തിരികെ വിളിക്കുമെന്ന് ബിഎംഡബ്ല്യു ചൈനയുടെ സ്റ്റേറ്റ് അഡ്മിനിസ്ട്രേഷന് ഓഫ് മാര്ക്കറ്റ് റെഗുലേഷന് വെള്ളിയാഴ്ച പ്രസ്താവനയില് അറിയിച്ചു. ഈ മോഡലുകളില് കാണുന്ന ഒരു തകരാര് കൂളന്റ് പമ്പ് പ്ലഗ് തുരുമ്പെടുക്കാന് കാരണമായേക്കാമെന്നും ഇത് ഒരു ഷോര്ട്ട് സര്ക്യൂട്ട് ഉണ്ടാക്കുകയും തീപിടുത്തത്തിന് കാരണമാവുകയും ചെയ്യും എന്നുമാണ് റിപ്പോര്ട്ടുകള്.
3 സീരീസ്, 5 സീരീസ് വാഹനങ്ങളും ഇറക്കുമതി ചെയ്ത നിരവധി X സീരീസ് എസ്യുവികളും ഇങ്ങനെ തകരാര് ബാധിച്ച മോഡലുകളില് ഉള്പ്പെടുന്നു. കമ്പനി ഈ തിരിച്ചുവിളി നടത്തിയതിനെ തുടര്ന്ന് ഏറ്റവും വലിയ ഇടിവാണ് ഈ കമ്പനിയുടെ വാഹനവില്പ്പനയില് ഉണ്ടായിരിക്കുന്നത്. ചൈനയിലെ ബിഎംഡബ്ല്യു, മിനി ബ്രാന്ഡ് കാറുകളുടെ കയറ്റുമതി മൂന്നാം പാദത്തില് 30 ശതമാനം ഇടിഞ്ഞു.
ചൈനയിലെ ബിഎംഡബ്ല്യു, മിനി ബ്രാന്ഡ് കാറുകളുടെ കയറ്റുമതി 30% കുറഞ്ഞു, ഇത് നാല് വര്ഷത്തിനിടയിലെ ഏറ്റവും കുത്തനെ ഇടിവാണ്. കോണ്ടിനെന്റല് എജി നല്കിയ ബ്രേക്കിംഗ് സിസ്റ്റങ്ങളുടെ തകരാറുകള് കാരണം 1.5 മില്യണ് കാറുകള് അന്താരാഷ്ട്ര തലത്തില് തിരിച്ചുവിളിച്ചതിനെ തുടര്ന്നാണ് ഈ തിരിച്ചടി സംഭവിച്ചത്.
ഓഗസ്റ്റിലാണ് തകരാര് കണ്ടെത്തിയതെന്നും അന്വേഷണത്തിനിടെ ബിഎംഡബ്ല്യു ചൈനീസ് അധികൃതരെ അറിയിച്ചിട്ടുണ്ടെന്നും വക്താവ് പ്രസ്താവനയില് പറഞ്ഞു. യൂറോപ്പിലെ വാഹനങ്ങളെ ഈ പ്രശ്നം ബാധിക്കില്ലെന്നും വക്താവ് വ്യക്തമാക്കി. എന്നാല് മാര്ച്ച് വരെ തിരിച്ചുവിളിക്കല് ആരംഭിക്കാത്തത് എന്തുകൊണ്ടാണെന്ന് എന്നതില് വിശദീകരണമില്ല.
