പാലക്കാട്: പാലക്കാട് കല്ലടിക്കോട് അമിതവേഗത്തിൽ വരുകയായിരുന്ന കാറും ലോറിയും കൂട്ടിയിടിച്ച് അഞ്ച് മരണം . കോങ്ങാട് മണ്ണാന്തറ സ്വദേശികളായ വിജേഷ് കെ കെ, വിഷ്ണു ടി വി, രമേശ്, മണിക്കശ്ശേരി സ്വദേശി മുഹമ്മദ് അഫ്സൽ എന്നിവരാണ് മരിച്ചത്. കൂട്ടത്തിൽ മരണപ്പെട്ട ഒരാളെ ഇനിയും തിരിച്ചറിയാനുണ്ട്. . കല്ലടിക്കോട് അയ്യപ്പൻകാവ് ക്ഷേത്രത്തിന് സമീപം രാത്രി വൈകിയാണ് സംഭവം നടന്നത്.
കാറിൽ സഞ്ചരിച്ചിരുന്ന അഞ്ച് പേരിൽ . നാലുപേർ സംഭവ സ്ഥലത്ത് തന്നെ മരണപ്പെടുകയായിരുന്നു . ഒരാളെ ആശുപത്രിയിലെത്തിച്ച് ഐസിയുവിൽ പ്രവേശിപ്പിച്ചെങ്കിലും ജീവൻ രക്ഷിക്കാനായില്ല.
ഇടിയുടെ ആഘാതത്തിൽ തകർന്ന കാർ പൊളിച്ചാണ് അതിലുണ്ടായിരുന്നവരെ നാട്ടുകാർ പുറത്തെടുത്തത്. കാർ അമിത വേഗത്തിലായിരുന്നുവെന്നാണ് ദൃക്സാക്ഷികൾ വ്യക്തമാക്കിയത്. അമിതവേഗതയിൽ സഞ്ചരിച്ച കാർ ലോറിയിലേക്ക് കാർ വന്ന് ഇടിക്കുകയായിരുന്നു . കെ എൽ 55 എച്ച് 3465 എന്ന മാരുതി സ്വിഫ്റ്റ് കാറാണ് അപകടത്തിൽപ്പെട്ടത്.
Discussion about this post