തിരുവനന്തപുരം : മജീഷ്യൻ മനു പൂജപ്പുരയെ കാണാനില്ലെന്ന് പരാതി. മനുവിനെ ട്രെയിൻ യാത്രയ്ക്കിടയിൽ കാണാതായ അദ്ദേഹത്തിന്റെ കുടുംബം റെയിൽവേ പോലീസിൽ പരാതി നൽകി. തിരുവനന്തപുരത്തു നിന്ന് ഐലൻഡ് എക്സ്പ്രസിൽ ആന്ധ്രയിലേക്ക് പോകുന്നതിനിടയിലാണ് മനു പൂജപ്പുരയെ കാണാതായത് എന്നാണ് പരാതിയിൽ സൂചിപ്പിക്കുന്നത്.
കുടുംബത്തോടൊപ്പം യാത്ര ചെയ്യുമ്പോഴാണ് മനു പൂജപ്പുരയെ കാണാതായതായി പരാതി ലഭിച്ചിട്ടുള്ളത്. ആന്ധ്രപ്രദേശിയിലേക്കുള്ള യാത്രയിൽ അദ്ദേഹത്തിന്റെ അച്ഛനും അമ്മയും ഒപ്പമുണ്ടായിരുന്നു. എന്നാൽ മാവേലിക്കര റെയിൽവേ സ്റ്റേഷൻ കഴിഞ്ഞപ്പോൾ മുതൽ മനുവിനെ കാണാനില്ലെന്ന് മാതാപിതാക്കൾ പറയുന്നു.
മനുവിനെ കാണാനില്ലെന്ന് മനസ്സിലായ ഉടൻ തന്നെ അദ്ദേഹത്തിന്റെ മാതാപിതാക്കൾ കോട്ടയം റെയിൽവേ സ്റ്റേഷനിൽ ഇറങ്ങി പരാതി നൽകി. മനുവിന്റെ ഫോണും മറ്റ് സാധനങ്ങളും ട്രെയിനിൽ തന്നെയുണ്ടെന്നാണ് വിവരം. പരാതിയുടെ അടിസ്ഥാനത്തിൽ ആർപിഎഫും പൊലീസും ചേർന്ന് അന്വേഷണം ആരംഭിച്ചു.
Discussion about this post