1983-ല്‍ ഇന്ത്യയില്‍ നടന്ന ചേരിചേരാ പ്രസ്ഥാനത്തിന്റെ (NAM) ഉച്ചകോടിയില്‍ വെച്ച് നടന്ന ആ സംഭവം വലിയ വിവാദങ്ങള്‍ക്കും ചര്‍ച്ചകള്‍ക്കുമാണ് വഴിതെളിച്ചത്. കാസ്ട്രോ ആയിരുന്നു ചേരി ചേരാ കൂട്ടായ്മയുടെ ചെയര്‍മാന്‍. പുതിയ ചെയര്‍പേഴ്സണായി തെരഞ്ഞെടുക്കപ്പെട്ടത് ഇന്ദിരയാണ്. കാസ്ട്രോ പദവി കൈമാറുന്നതായിരുന്നു ചടങ്ങ്. വിജ്ഞാന് ഭവനിലായിരുന്നു ചടങ്ങ്. അധ്യക്ഷന്റെ ചിഹ്നമായ അധികാര ദണ്ഡ് ഇന്ദിരയ്ക്ക് കൈമാറുന്ന ചടങ്ങില്‍ വെച്ച് കാസ്ട്രോ ഇന്ദിരയെ ആലിംഗനം ചെയ്യുകയായിരുന്നു. പിറ്റേന്ന് ലോകത്തിറങ്ങിയ എല്ലാ പത്രങ്ങളുടെയും പ്രധാന ചിത്രമായിരുന്നു ഇത്.
രാഷ്ട്രീയമായി വലിയ കോളിളക്കങ്ങള്‍ക്ക് കാരണമായ ഈ സൗഹൃദം വീണ്ടും ചര്‍ച്ചയാവുകയാണ്. എഴുത്തുകാരനും പത്രപ്രവര്‍ത്തകനുമായ ഉല്ലേഖ് എന്‍പി തന്റെ ഏറ്റവും പുതിയ പുസ്തകമായ ‘മാഡ് എബൗട്ട് ക്യൂബ’യില്‍ ഈ പ്രസിദ്ധമായ സംഭവത്തെക്കുറിച്ച് വിശദമായി പ്രതിപാദിച്ചിട്ടുണ്ട്. അന്ന് കുട്ടിയായിരുന്ന തന്റെ മനസ്സിലുണ്ടായ ചിന്തകളും അദ്ദേഹം പുസ്തകത്തില്‍ രേഖപ്പെടുത്തിയിട്ടുണ്ട്.
‘ഇന്ത്യന്‍ സ്ത്രീകള്‍, പ്രത്യേകിച്ച് അധികാര സ്ഥാനങ്ങളില്‍ ഇരിക്കുന്നവര്‍, അന്ന് പുരുഷന്മാരെ ആലിംഗനം ചെയ്യുന്ന രീതിയുണ്ടായിരുന്നില്ല. ഡല്‍ഹിയിലെ വിജ്ഞാന് ഭവനില്‍ വെച്ച് നടന്ന ഈ സംഭവം വലിയ കോളിളക്കമാണ് സൃഷ്ടിച്ചത് എന്നാല്‍ ഞങ്ങള്‍ കുട്ടികളെ സംബന്ധിച്ചിടത്തോളം താടിയും സിനിമാതാരങ്ങളുടെ രൂപവും ഉള്ള ഒരു മനുഷ്യന്‍, പത്രങ്ങളില്‍ വന്ന ആ ഫോട്ടോഗ്രാഫുകള്‍ ഞങ്ങളില്‍ വലിയ മതിപ്പ് സൃഷ്ടിച്ചു.’
1983-ല്‍ ഡല്‍ഹിയില്‍ നടന്ന ഉച്ചകോടിയില്‍ സാഹിത്യകാരന്‍ ഗബ്രിയേല്‍ ഗാര്‍ഷ്യ മാര്‍ക്വേസിനെ ഫിദല്‍ കാസ്ട്രോ ഇന്ദിരാഗാന്ധിയുമായി പരിചയപ്പെടുത്തിയതിനെക്കുറിച്ച് തന്റെ പുസ്തകത്തില്‍അന്തരിച്ച കോണ്‍ഗ്രസ് നേതാവ് നട്വര്‍ സിംഗ് വെളിപ്പെടുത്തിയ കഥയും എഴുത്തുകാരന്‍ എടുത്തുപറയുന്നുണ്ട്.
ഇന്ദിരാഗാന്ധിയുടെയും വിപ്ലവകാരിയായ കൊളംബിയന്‍ എഴുത്തുകാരന്റെയും കൂടിക്കാഴ്ച അസാധാരണമായിരുന്നു, അതേസമയം, ഗബ്രിയേല്‍ ഗാര്‍സിയ മാര്‍ക്വേസിന് ഇന്ദിരാഗാന്ധിയുടെ പേരില്‍ ഒരു രഹസ്യ മകളുണ്ടെന്ന് റിപ്പോര്‍ട്ട് ചെയ്യപ്പെട്ടിട്ടുണ്ട്, അദ്ദേഹത്തിന്റെ മരണത്തിന് ഏകദേശം എട്ട് വര്‍ഷത്തിന് ശേഷം 2022 ജനുവരിയിലാണ് ഈ സംഭവം പുറത്തുവന്നത്.
