ദിനപത്രം വായിക്കുമ്പോള്‍ പലപ്പോഴും കണ്ണില്‍പ്പെടുന്ന കാര്യമാണ് അതിന്റെ പേജുകളുടെ അടിയില്‍ കാണപ്പെടുന്ന നാല് ചെറിയ നിറത്തിലുള്ള പൊട്ടുകള്‍ നിങ്ങള്‍ ശ്രദ്ധിച്ചിട്ടുണ്ടോ. ഈ ഡോട്ടുകള്‍ ഒരു പത്രത്തിന്റെ എല്ലാ പേജിന്റെയും ചുവടെ ദൃശ്യമാകും, എന്നാല്‍ അവ എന്താണ് യഥാര്‍ത്ഥത്തില്‍ സൂചിപ്പിക്കുന്നത്?
പ്രിന്റിംഗ് പ്രക്രിയയില്‍ കൃത്യമായ വര്‍ണ്ണ വിന്യാസം ഉറപ്പാക്കാന്‍ ഉപയോഗിക്കുന്ന മാര്‍ക്കറുകളാണ് ഈ സര്‍ക്കിളുകള്‍. ചുവപ്പ്, മഞ്ഞ, നീല എന്നിവ പ്രാഥമിക നിറങ്ങളാണ്. മറ്റ് നിറങ്ങള്‍ സംയോജിപ്പിച്ച് ഉണ്ടാക്കാന്‍ കഴിയുന്നതല്ല ഈ നിറങ്ങള്‍. എന്നിരുന്നാലും, ഈ മൂന്ന് പ്രാഥമിക നിറങ്ങള്‍ സംയോജിപ്പിച്ച് വൈവിധ്യമാര്‍ന്ന നിറങ്ങള്‍ നിര്‍മ്മിക്കാന്‍ കഴിയും. അച്ചടി സാങ്കേതികവിദ്യയിലും അങ്ങനെ തന്നെ . ഈ മൂന്ന് നിറങ്ങളോടൊപ്പം കറുപ്പ് നാലാമത്തെ നിറമായി പത്രത്തില്‍ ചേര്‍ത്തിട്ടുണ്ട്.
ഈ കുത്തുകള്‍ സിഎംവൈകെ മോഡലിനെ പ്രതിനിധീകരിക്കുന്നു. ‘സി’ എന്നാല്‍ സിയാന്‍ (നീല), ‘എം’ എന്നത് മജന്ത (പിങ്ക്), ‘വൈ’ എന്നത് മഞ്ഞ, ‘കെ’ എന്നത് കറുപ്പ്. പത്രങ്ങളില്‍ വര്‍ണ്ണാഭമായ ചിത്രങ്ങളും തലക്കെട്ടുകളും സൃഷ്ടിക്കുന്നതിന് സിഎംവൈകെ മോഡല്‍ വളരെ പ്രധാനമാണ്്. പ്രിന്റിംഗ് പ്രക്രിയയില്‍, നാല് നിറങ്ങളില്‍ ഓരോന്നിനും പ്രത്യേകം പ്ലേറ്റുകള്‍ ഉപയോഗിക്കുന്നു. പ്ലേറ്റുകള്‍ തെറ്റായി വിന്യസിക്കുകയാണെങ്കില്‍ പത്രത്തില്‍ കൊടുക്കാന്‍ ഉപയോഗിക്കുന്ന ചിത്രം മങ്ങിയോ തെറ്റാവാനോ സാധ്യതയുണ്ട്.
Discussion about this post