ന്യൂഡൽഹി: ക്രിസ്മസിനോട് അനുബന്ധിച്ചു പ്രധാനമന്ത്രി നരേന്ദ്ര മോദി ഇന്ന് ഡല്ഹി ഗോള്ഡഖാന സേക്രഡ് ഹാര്ട്ട് ദേവാലയം സന്ദര്ശിക്കും. കത്തോലിക്ക ബിഷപ്പുമാരുടെ കൂട്ടായ്മയായ സിബിസിഐയുടെ ക്ഷണം സ്വീകരിച്ചാണ് സന്ദര്ശനം. മത നേതാക്കളുമായി പ്രധാനമന്ത്രി കൂടിക്കാഴ്ച നടത്തും. വൈകീട്ട് ആറ് മണിക്ക് ആണ് കൂടിക്കാഴ്ച.
അതേസമയം പ്രധാനമന്ത്രിയെ വരവേല്ക്കുന്നതിനായി ദേവാലയം ഒരുങ്ങിക്കഴിഞ്ഞു. പ്രാധമിക സുരക്ഷാ പരിശോധനകള് പൂര്ത്തിയായി. 2022ലെ ഈസ്റ്റര് ദിനത്തിലും പ്രധാനമന്ത്രി ഈ ദേവാലയം സന്ദര്ശിക്കുകയും ഒരു ദേവദാരു വൃക്ഷം നടുകയും ചെയ്തിരുന്നു
“പ്രധാനമന്ത്രി ഈ സമൂഹത്തെക്കുറിച്ച് കരുതുന്നുണ്ടെന്നും അത് ഞങ്ങൾക്ക് വലിയ കാര്യമാണെന്നും ഞങ്ങൾ മനസ്സിലാക്കുന്നു. പ്രധാനമന്ത്രി “സബ്കാ സത് സബ്കാ വികാസ്” എന്ന് പറയുക മാത്രമല്ല, തൻ്റെ തത്ത്വവുമായി മുന്നോട്ട് പോവുകയും ചെയ്യുന്നു. അദ്ദേഹത്തിൻ്റെ പിന്തുണ ഞങ്ങൾക്ക് എപ്പോഴും ലഭിക്കുമെന്ന് ഞങ്ങൾ കരുതുന്നു, എല്ലാ സമുദായത്തെയും ഒരുമിപ്പിച്ച് അദ്ദേഹം മുന്നോട്ട് പോകും. കഴിഞ്ഞ തവണ മോദി ദേവാലയം സന്ദർശിച്ചപ്പോൾ സേക്രഡ് ഹാർട്ട് കത്തീഡ്രൽ പള്ളിയിലെ ഫ്രാൻസിസ് സ്വാമിനാഥൻ പറഞ്ഞിരുന്നു.
ബിജെപി ദേശീയ അധ്യക്ഷന് ജെ പി നദ്ദയും ക്രിസ്മസ് ദിനത്തില് ദേവാലയങ്ങളില് എത്തും. കോഴിക്കോട് രൂപത ബിഷപ്പ് വര്ഗീസ് ചക്കാലക്കലിനെ കണ്ട് പ്രധാനമന്ത്രിയുടെ ക്രിസ്മസ് സന്ദേശം എം ടി രമേശ് അറിയിച്ചു. കതീഡ്രലില് എത്തിയായിരുന്നു ബിഷപ്പിനെ കണ്ടത്
Discussion about this post