പേഴ്സണൽ ലോൺ എടുക്കാൻ പ്ലാനുണ്ടോ; മറഞ്ഞിരിക്കുന്ന ഈ 5 ചാർജുകൾ അറിഞ്ഞിരിക്കണം

പേഴ്സണൽ ലോൺ ലഭിക്കുന്നത് വളരെ എളുപ്പമാണെന്ന് തോന്നുമെങ്കിലും, പ്രോസസ്സിംഗ് ഫീസ് കാരണം വിതരണം ചെയ്യുന്ന യഥാർത്ഥ വായ്പ തുക  പ്രതീക്ഷിച്ചതിലും കുറവാണെന്ന് മനസ്സിലാക്കണം. കൂടാതെ, മറഞ്ഞിരിക്കുന്ന ചാർജുകൾ യഥാർത്ഥ EMI തുകയെ മുതലിനും പലിശയ്ക്കും പുറമെ വർദ്ധിപ്പിക്കുകയു൦ ചെയ്യുന്നു.
ബാങ്കുകൾ ഈ ചാർജുകൾ വെളിപ്പെടുത്തണമെന്നില്ല. വായ്പയ്ക്ക് അപേക്ഷിക്കുന്നവർ അവ മനസ്സിലാക്കണം.
ചില മറഞ്ഞിരിക്കുന്ന ചാർജുകൾ  എന്തെന്നു നോക്കാം

പ്രോസസ്സിംഗ് ചാർജുകൾ
സാധാരണയായി, വായ്പ  അനുവദിക്കുമ്പോൾ ചില അഡ്മിനിസ്ട്രേറ്റീവ് ചെലവുകൾ വഹിക്കുന്നതിനാൽ ബാങ്കുകൾ വായ്പ തുകയുടെ 1% മുതൽ 3% വരെ പ്രോസസ്സിംഗ് ഫീസ് ഈടാക്കുന്നു.
പേയ്‌മെന്റ് വെെകുന്നതിനുള്ള പിഴ
ഒരു കടം വാങ്ങുന്നയാൾ EMI അടയ്ക്കുന്നതിൽ പരാജയപ്പെട്ടാൽ, കുടിശ്ശിക തുകയ്ക്ക് ബാങ്കുകൾ സാധാരണയായി പ്രതിമാസം 2% മുതൽ 4% വരെ പിഴ ഈടാക്കുന്നു, അതുവഴി സാമ്പത്തിക ഭാരം വർദ്ധിക്കുന്നു.
.
വായ്പ റദ്ദാക്കൽ ചാർജുകൾ
കടം വാങ്ങുന്നയാൾ തന്റെ വായ്പ റദ്ദാക്കാൻ തീരുമാനിക്കുകയാണെങ്കിൽ, ബാങ്കുകൾക്ക് വായ്പ റദ്ദാക്കൽ ചാർജുകൾ ചുമത്താം, ഇത് സാധാരണയായി 1,000 മുതൽ 3,000 രൂപ വരെയാണ്.
EMI ബൗൺസ് ചാർജുകൾ
പണമില്ലാത്തതിനാൽ ഒരു EMI പേയ്‌മെന്റ് മുടങ്ങിയാൽ , GST സഹിതം ബാങ്കുകൾ ഓരോ ബൗൺസിനും 500 മുതൽ 1,000 രൂപ വരെ ഈടാക്കാം.
ഇടയ്ക്കിടെയുള്ള EMI ബൗൺസ് നിങ്ങളുടെ ക്രെഡിറ്റ് സ്‌കോറിനെ പ്രതികൂലമായി ബാധിച്ചേക്കാം, ഇത് ഭാവിയിൽ വായ്പകൾ നേടുന്നതിൽ ബുദ്ധിമുട്ടുണ്ടാക്കും.
ഡോക്യുമെന്റേഷൻ ചാർജുകൾ
പലപ്പോഴും ബാങ്കുകൾ ഒരു വായ്പയ്ക്കുള്ള ഡോക്യുമെന്റേഷനായി 500 മുതൽ 2,000 രൂപ വരെ ഈടാക്കുന്നു.