ഹരിപ്പാട് കോണ്ഗ്രസ് പ്രവര്ത്തകനെ കൊലപ്പെടുത്തിയ കേസില് രണ്ട് ബ്രാഞ്ച് സെക്രട്ടറിമാര് ഉള്പ്പടെ നാല് സിപിഎം പ്രവര്ത്തകര് അറസ്റ്റില്. സിപിഎം ബ്രാഞ്ച് സെക്രട്ടറിമാരായ അനീഷ്. ശരത്. എന്നിവര് ഉള്പ്പടെയുള്ളവരാണ് അറസ്റ്റിലായത്. ഇന്നലെ പുലര്ച്ചെ ചേപ്പാടുള്ള വീട്ടില് നിന്ന് സുനില് കുമാറിനെ വിളിച്ച് കൊണ്ടു പോയി കൊലപ്പെടുത്തുകയായിരുന്നു. വ്യക്തിവൈരാഗ്യമാണ് കൊലപാതകമെന്ന് വരുത്തിതീര്ക്കാന് ചില കേന്ദ്രങ്ങളില് നിന്ന് ശ്രമമുണ്ടായെന്ന് ആരോപണമുയര്ന്നിട്ടുണ്ട്. എന്നാല് രാഷ്ട്രീയ വൈരാഗ്യം തന്നെയാണ് കൊലപാതകകാരണമെന്നാണ് ഇപ്പോള് പോലിസ് നല്കുന്ന സൂചന.
നിരവധി പ്രവര്ത്തകര്ക്കൊപ്പം സുനില്കുമാര് സിപിഎം വിട്ട് കോണ്ഗ്രസില് ചേര്ന്നിരുന്നു. ഇതിലുള്ള വൈരാഗ്യമാണ് കൊലപാതകമെന്നാണ് സൂചന.
കേസുമായി ബന്ധപ്പെട്ട് ആറ് പേരെ കൂടി പിടികൂടാനുണ്ടെന്ന് പോലിസ് അറിയിച്ചു.
Discussion about this post